[مؤسسة كليم الحسين الفاطمية]

عشق وجنون


يا حسين ولا حسين النه سواك
وآلدي وآمي يمحــــــــــبوبي فداك
ساكن ابروحي يا دوه اجروحي

يا حسين ولا حسين النه سواك


انت مو بس ساكن ابأرض الطفوف
ساكن ابقلبــــــــي يمولاي وتطوف
وابضلوعي اتجذرت اربع حروف
الحاء حـــــبي والسموسينك نشوف
الياء يا كل النـــــــــعم عزه ووفه
النون نور الرحمه والنقطه الشفه
خادمك اسمي اسمك ابدمي
يا وريدي البي سره طاهر دماك
ياحسين ولاحسين النه سواك


هذا عهد الوفه من الثائرين
ما نبدل احسين ال ابالحسين
الأمير انته تضل للمؤمنين
الحبيب انته واحنه العاشكين
نشكرالله ونحمده الهاي النعم
للحبيب احسين خلآنه خدم
انته عنواني عاشكك آني
يا حبيب المرتضى همي رضاك
ياحسين ولاحسين النه سواك


يا حســــين العشك كالولي جنون
وبالـــــــــجنون احنه تفننه فنون
ولو ردت شاهد اخذ هذي العيون
ما تصد بس الك يا قلب الحنون
كعبة العشاك اســـــــمك يا ولي
ومن نطوف الكعبه همنه ينجلي
كل شددنه اتزيل انطوفك ابتهليل
انته قائدنه وجنود احنه وراك
ياحسين ولاحسين النه سواك



عابـــــــس انجن ابهيامك بالطفوف
وآنه عابـــــــس الك لكن بالحروف
يا شمس اشعاري ما تعرف كسوف
وصوتي عالمنبر الك يشهر سيوف
يا حسين اتهز عروش الظالمين
يا حســـين والها احنه عاشكين
والهوه العذري انته يا ذخري
وكل املنه ذاب يحسين ابهواك
ياحسين ولاحسين النه سواك


كليم الحسين بســـام الشمري
هـــــــ 1430ـــــــــ

[سيهاتي.]

الله على روووعة الكلامات وسلاستها

الله لايحرمنا من جديدك

[Just smile]

يعطيك العافية ع ما إمتدت به يمينك من إبداع و معاني جميلة
لك كل الشكر و الامتنان

[مؤسسة كليم الحسين الفاطمية]

هلا وغلا بالغالي
سيهاتيـ
نورت يالغالي

[مؤسسة كليم الحسين الفاطمية]

ربي يسلمكم اختنا المواليه
لا تنسونا من الدعاء
للشفاء التام ليدي اليسرى