[ملاك والدنيا هلاك]

السلام عليكم ورحمه الله وبركاته
مباارك عليكم الشهر
وش احوالكم يااحلى اعضاء بالمنتدى
طبا لي فتره مادخلت المنتدى بسب ظروف صعبه
والحين رجعت وابيكم تشاركوني في موضوعي اللي راح اكتبه
انا راح اقولكم قصتي من البدايه لين النهايه
وابي تفاعل منكم طيب
بسم الله الرحمن الرحيم
في يوم من الايام جاني رقم غريب ع الجوال ومااعرف مين هذاظل يدق فتره وانامطنشه الموضوع اهوكان غلطان المهم رسل لي رساله وقالي ردي ابيج ضروري
رديت وقالي انا معجبه بشخصيتج وبسلوبج وطريقه كلامج وراح اعرفج ع اهلي وبتزوجك ومن هالكلام المهم
وظلينا فتره نكلم بعض طبعا عرفني ع امه واخواته وكلمتهم وعشنا قصه حب بس اللي فيه عيب واحد انه يعصب واذا عصب انا اسكت معرف شنو اقوله ويعصب اكثر احيانا يقفل الخط بوجهي وانامتحمله كل شي وخططنا ع كل حاجه ع مستقبلنا وزواجنا وامه كلمتني وقالت اذا تبيه نخطبج من اهلج عشا ماتتعلقون في بعض انا قلت لها انا احبه ومابتخلى عنه واحنا وعدنا بعض مهما تكون الظروف مستحيل نتخلى عن بعض ظلينا 4 اشهر ع هالحال من اسبوع قالي انتي راضيه فيني مهما يكون اللي يكون فيني انا الصراحه خفت من كلامه وقلت له اي راضيه ومقتنعه وانابسوي المستحيل عشانك لاني احبك وابيك ويتهاوش معي ومتحمله حت عصبيت لان اذا عصب مايعرف حد قدامه عماته كانو يدرون وعمه وكان يكلمني قدامهم بس انا صارت لي اظروف وكنت ارسل له رسايل حزينه وكان يتضايق مني حتى خواته كانو يقولون لي ماحد طلعه من اللي فيه الاانتي ويش سويتي له وصار كذا كان قبل مايجلس مع اهله ولاامه ولاابوه كان عزول وحيد يجلس لوحده ولاعنده اصدقاء حتى اذا عصب علي اذا هدء يدق ويقولي ادري انتي مالج ذنب بس تحمليني ويصيح نفس الاطفال وربي يعور قلبي بس صارت حاجه بيني وبينه ع موضوع خاص
قالي انسى كل حاجه
بس انامااقدر انساه قولولي ويش اسوي انا احبه واهو يحبني والحين يرسل رسايل بس ماارد
لاني قلت له اللي مايبيني ماابيه وان الحين بفكر بدراستي اهو يبي يتقدم لي بس اهلي مايعرفون اهله اهو يدرون بس انا مايدرون اني احبه اهو اللي طلعني من اللي فيني حسيت معاه بالامان كثير واذا سويت شي ينصحني ولاتسوين شي وتندمين خلي اهلج دايما في كل شي قبل لاتسويه احبه والله احبه وهذي كل قصتي معاه
ارجوا من اللي بيدخل ويرد ع الموضوع يقولي ويش الحل ولاتبخلون علي ماعندي احد غيركم لوعندي حد مادخلت وقلت لكم كل قصتي
هالله هالله عاد بالردود وساعدوني لوتحبوني

[سيهاتي.]

هلا وغلا

عودة مباركه انشاء الله

انا رايح العمل وبإذن الله لي عودة للتعقيب

[ملاك والدنيا هلاك]

يسلمو سيهاتي لمرورك
وانتظر مشاركتك في موضوعي
موفق

[قنوت]

اممم ربك يحلها
بس كيف عرف اسلووبك وكذا وهو رقم غريب
وانتي ماتعرفيه انعجب باسلوبك قبل لايكلمك>>شي عجيب

اذا السبب الي تهااوشتي معه بسيط وماهو كبير
كملي حيااتك معه والله يوفقك
اما اذا كبير وراح يسبب مشااكل لك في المستقبل عيدي حسابااتك معه
من اوول وجديد
ونصيحتي لك
لاتتهربي واجهي الموضوع
ومشاان ماتنخدعي فيه خلليه يتقدم لك
لو على الاقل خطبه بعدين الزووااج

واذا انتي ماعرفتي السبب الي خلااه يتغير بس لمـا كلمك لازم تعرفيه
وكلاامه يخووف صراحه لما قال"انتي راضيه فيني مهما يكون اللي يكون فيني

انتي لازم تعرفي وش فييه
مششان تعرفي صادق ولا لااء

[ملاك والدنيا هلاك]

مدري والله انا راح اكمل حياتي معاه
بس اهو يبي يتقدم لي يقول الى متى وحنا كذا بس انا اهلي مايعرفون واهومو من نفس المدينه اللي انا فيها اهو من الدمام
اي انا خفت يوم قالي مهما يكون اللي يكون تبيني بس مدري شنو يقصد
انا هالفتره مابكلمه بشوف ويش راح يصير
اهو متمسك فيني وانا متمسكه فيه واهو قالى مابضرج مهما يكون بس ابيج تكونيني حلالي بس
مشكورة قنووووت لمرورج

[فلسفة واقعنا]

الموضوع حسّاس ..
و غريب مثل ما تفضلت قنوت " شلون عرف أسلوبج و هو رقم غريب " .. ؟؟!!
و بدأ بغلط .. !!
لكن مشيتي بالطريق متقدرين توقفين بالنص ..
و هم ما رح أقلج تزوجيه لأن بعد ما عرفتي كلشي منه .. هذا مستقبل ..
و حياة طوويله قدامج بإذن الله ..
شلون تقدمين على خطوة "مبهمه" متدرين شنو دوافع هالشخص و شنو بي ..
بداية فكري .. ب أهلج و مستقبلج و حياتج ..
و أكيدن عارفه قصص كثيره فهالمجال .. لتقولين أنا غير لأن كل اللي بالقصص قالو " أنا غير"
بس أنتي صيري أذكى من قلبج .. و لا تخليه يحكمج و يوصلج طريق مسدود ..
و آني بكلامي م أجبرج على حل .. هي مجرد نصيحه علمود تضمنين حياتج و لا تضيعيها ...
ترى الحل ما هو ب الزواج .. لتفكرين بي أبداً فكري باللي بعده .. بعد سنتين .. ثلاث .. عشرة ...
كثير مثلج تحدوا أهليهم و تزوجوا .. بالنهايه .....؟؟!
حياتهم ضاعت خلاص .. عاشوها سنة .. سنتين .. فرحانين .. بعدها انقلب كلشي
الموضوع له تبعات فكري بيها و شوفي إلى وين توصل ..!!

[جبرني الوقت]

صراحه الموضوع اكثير خطير بس ممكن اعرف من وين جايب رقمش اومن متى حتى عرف شخصيتش اواسلوبش على شان يعجب بهاا بس صراح اوسوري على الكلمه احس انه نفسيه بس اقولش انا حنا كلامنه ماراح ينفعش احسن لك تصارحين امك الله يطول ابعمرهاا هذا كلامي انا اواتمنى تقبلينه :pom:تحياتي لكِ اوالله يعينش اويعين الجميع......؟:)

[انوار الزهراء]

الششششيء من البدايه غللللللط
المفروض ماتكلميينه حررررام هالششي
كيف رضيتي بها الشي ولو انه يحبش صصج لييش ماتقدم لشش علطول
دون مكالمات ولا هالمحررمات

[عاشقة كربلاء]

مثل ما ذكرو اخواتي سابقا الموضوع جدا حساس

من كلامك يتضح انك متمسكه جدا بالشاب رغم انك ما شفتيه ومن منطقه غير منطقتك
اقترح في البدايه تشوفي اهله واخواته وتتعرفي اكثر عليهم وبعدين يجي اهله يتقدمون لك وكأن بينك وبين اخواته صداقه لا اكثر حتى ما تصير مشاكل وبكذا اهلك ما يعرفون انك تحبي الولد ومتعلقة فيه واكثري من الدعاء حتى الله يسهل امورك

وهذه حياتك ومستقبلك لك القبول او الرفض وفعلا كلامه يخوف في العبارة السابقة ابحثي عن الاسباب ولك حسن الاختيار

تقبلي مروري واتمنى لك حياه سعيده ولا تنسينا من خالص دعائك

[نور الزهرا]

السلام عليكم
اختي اريد انصحج هو شلون عرفج ومنين اخذ رقمج اوين شافج حتى هيج يحجي
ولو صدك يحبج ليش مايجي يخطبج من اهلج

[رادودية حيدرية]

اممممممم
الله يساعدك
وكل اللي اقدر اقوله
اللي كاتبه لك ربك بيصير

[MURAD]

استغفر الله العظيم انا ردي مثل انوار الزهرا كيف ترضين لنفسش تسوين هالمحرمات


حرام تكلميه اصلا استغفر الله العلي العظيم بس

[ماروكو]

ردي مثل انوار الزهراء

أستغفر الله العظيم وبحمدهـ

من بداية الموضوع غلط باغلط رد رقم غلآط

أسكتي عنهـ

اللهم صلي على محمد وال محمد

[عاشقة العترة]

والله البنات كل شي كتبوا وانا مااعرف اله هاي السوالف بس
انا رايي مثل رايهما اذا يحبك صحيح يجي يخطبك وابااقرب وقت ممكن
والله يوفقكم ويحفظكم ان شاء الله

[القلعه]

يا اختي بطلي احسن الك من هل الحب الي بالنقال واكو مثل عراقي يكو الشين الي تعرفه احسن من الزين الي ما تعرفه وريحي بالج