تراب أقدام الرضا(ع)
12-01-2011, 03:02 AM
السلام عليكم ورحمة الله
إلى رواد المنتدى من الرواديد الاعزاء
اضع هذه الكلمات المفجعة بين أيديهم قبل ليلة السابع
لعل احدهم ينتفع بها ،، سائلا منكم الدعاء
حقيقة كتبت الكلمات من مقطع نعي ولا اعرف الكاتب الكريم
الكلمات " عبارة عن عتاب بين المولى أمير المؤمنين"ع" وابنه قمر بني هاشم صلوات الله عليهما "
المستهل من انشائي المتواضع
يبويه لا تعاتبني ** يبويه لا تعاتبني
قِطعوا منِّي الجفين ** والسَّهم وسط العين
يبويه لا تعاتبني
****
القصيدة المقصوده :
ابزينب مهجة الزهرا ** وصيتك يا قمر عدنان
وما ظنيت تتركها ** أسيرة بولية العدوان
تذكر يوم اسايلها ** وعلى خدها الدمع سايل
من اخوانج من تريدين** تختارين الج كافل
قالت لي يبوالحسنين** قلبي اختار ابوفاضل
غيور وليدك العباس ** وبحمايته ما بنهان
زينب جانت بظلي ** ظلها محد يشوفه
وتــاليها بدون خمار ** تطب الشام والكوفه
عن حمايتها سيفك وين ** وصولاتك المعروفه
رضيت الشمر يشتمها ** ويضربها زجر وسنان
على اختك جيفا ترضاها ** تتفرج جميع الناس
وبمجلس يزيد شلون ** تدخل حسره يا عباس
وتالي تشوف راس حسين ** منه مكسره الاضراس
وتتروع يتاماها ** بغربة وتبجي النسوان
هنا بالامكان تكرار المستهل
يبويه لا تعاتبني ** ترى ما احتمل العتاب
وعاين عيني وجفوفي ** القطيعه وراسي المنصاب
انا معذور يا بويه ** ورغم العذر قلبي ذاب
وراسك لو سلم راسي ** فنيت الجيش بالميدان
اختي يوم أنا موجود ** ماحد هتك ليها دار
ولا خدها انلطم صوبي ** ولا ظلت بدون خمار
ولاحد كسر منها ضلوع ** وونبت بالصدر مسمار
ولا نختني وتوانيت ** ابد يا فارس الفرسان
يا ولدي لا تآذيني ** إبذكر امصيبة ام حسين
مو هينه على قلبي ** اشوف اللطمة فوق العين
ولــــــو ما قيدت عزمي ** وصية سيد الكونين
نـــــفخت الصور من غيظي ** وفنيت الانس ويَّا الجان
أنا معذور في امري ** وانت يا الابو معذور
ومـصايب فاطمة الزهرا ** لقتها زينب بعاشور
وكل للي لقاه حسين ** من ضلع امه المكسور
والله بعصرة الزهرا ** لحسين انذبح عطشان
نسألكم الدعاء
وعظم الله اجوركم
إلى رواد المنتدى من الرواديد الاعزاء
اضع هذه الكلمات المفجعة بين أيديهم قبل ليلة السابع
لعل احدهم ينتفع بها ،، سائلا منكم الدعاء
حقيقة كتبت الكلمات من مقطع نعي ولا اعرف الكاتب الكريم
الكلمات " عبارة عن عتاب بين المولى أمير المؤمنين"ع" وابنه قمر بني هاشم صلوات الله عليهما "
المستهل من انشائي المتواضع
يبويه لا تعاتبني ** يبويه لا تعاتبني
قِطعوا منِّي الجفين ** والسَّهم وسط العين
يبويه لا تعاتبني
****
القصيدة المقصوده :
ابزينب مهجة الزهرا ** وصيتك يا قمر عدنان
وما ظنيت تتركها ** أسيرة بولية العدوان
تذكر يوم اسايلها ** وعلى خدها الدمع سايل
من اخوانج من تريدين** تختارين الج كافل
قالت لي يبوالحسنين** قلبي اختار ابوفاضل
غيور وليدك العباس ** وبحمايته ما بنهان
زينب جانت بظلي ** ظلها محد يشوفه
وتــاليها بدون خمار ** تطب الشام والكوفه
عن حمايتها سيفك وين ** وصولاتك المعروفه
رضيت الشمر يشتمها ** ويضربها زجر وسنان
على اختك جيفا ترضاها ** تتفرج جميع الناس
وبمجلس يزيد شلون ** تدخل حسره يا عباس
وتالي تشوف راس حسين ** منه مكسره الاضراس
وتتروع يتاماها ** بغربة وتبجي النسوان
هنا بالامكان تكرار المستهل
يبويه لا تعاتبني ** ترى ما احتمل العتاب
وعاين عيني وجفوفي ** القطيعه وراسي المنصاب
انا معذور يا بويه ** ورغم العذر قلبي ذاب
وراسك لو سلم راسي ** فنيت الجيش بالميدان
اختي يوم أنا موجود ** ماحد هتك ليها دار
ولا خدها انلطم صوبي ** ولا ظلت بدون خمار
ولاحد كسر منها ضلوع ** وونبت بالصدر مسمار
ولا نختني وتوانيت ** ابد يا فارس الفرسان
يا ولدي لا تآذيني ** إبذكر امصيبة ام حسين
مو هينه على قلبي ** اشوف اللطمة فوق العين
ولــــــو ما قيدت عزمي ** وصية سيد الكونين
نـــــفخت الصور من غيظي ** وفنيت الانس ويَّا الجان
أنا معذور في امري ** وانت يا الابو معذور
ومـصايب فاطمة الزهرا ** لقتها زينب بعاشور
وكل للي لقاه حسين ** من ضلع امه المكسور
والله بعصرة الزهرا ** لحسين انذبح عطشان
نسألكم الدعاء
وعظم الله اجوركم