[الكوثر]

السلآم عليكم

لو سمحتوا أنا عندي زفه عرس بس ابغي صوت الي يقول الزفه مابغي الا يتكملون

وهذا الرابط الزفه
http://www.youtube.com/watch?v=fcUaYgHf8rI (http://www.youtube.com/watch?v=fcUaYgHf8rI)


وهذا رابط ثاني ل زفه ثانيه
http://www.youtube.com/watch?v=p9cmLGsxVzs

[اوديو ستوديو]

وعليكم السلام ورحمة الله وبركاته


أوّلاً: هل تقصدين بالزفة هو القاء الشعر؟

ثانياً: لا يمكن سحب صوت الحقوق (صوت البنت) بسبب انّهم اثنينهم مونو وبشري

لكن راح احاول الحصول على الزفّة

[اوديو ستوديو]

زفّة اخرى

باسم كوثر

http://www.s-radood.com/vb/showthread.php?t=17013

[في صمتي كلام]

امممممم

[الكوثر]

اقتباس:
المشاركة الأصلية كتبت بواسطة اوديو ستوديو http://www.s-radood.com/vb/m/buttons/viewpost.gif (http://www.s-radood.com/vb/showthread.php?p=428923#post428923)
وعليكم السلام ورحمة الله وبركاته


أوّلاً: هل تقصدين بالزفة هو القاء الشعر؟

ثانياً: لا يمكن سحب صوت الحقوق (صوت البنت) بسبب انّهم اثنينهم مونو وبشري

لكن راح احاول الحصول على الزفّة



يعطيك العافيه الاخ الفاضل

نعم اقصد الزفه القاء الشعر


بس انا اعرف ان عادي نقدر نسحب الصوت
يعني ماتقدرون تسون زفه ؟؟؟

بانتظاركم

[اوديو ستوديو]

نقدر ليش لا

شنهو اسم المعرس والعروس

والزفة تبغونها شعر والله جلوة؟

[الكوثر]

الأخ الفاضل شكرا لك يعطيك العافيه
ابغي شعر ل زفتين
الاولى زفة شعر باسم كوثر وفؤاد
والثانيه زفه شعر باسم منال وأحمد

وتكون الموسيقى هادئه يعني ماتكون حيل قوية
ابغيهم بأقرب وقت

لك كثير من العرفان
قضى الآله حوائجكم دنيآ وآخره

[اوديو ستوديو]

ان شاء الله

بس وين الشعر

يعني اذا في شاعر يكتبهم وبعدين نلقيهم احسن

[الكوثر]

ان شاء الله اجيبهم لكم في حدود هاليومين

شآكره لكم

[شبر]

يسلمو

[الكوثر]

شعر الاول باسم منال وأحمد

يامــــرحبا بأ( منال) يوم اقبـــلت بين الضـــيوف

ضيعت كل العذارى وأخلفت أنظارهـــــا

حيها بنت الكرم بنت البيــــــارق والسيــــــوف

شمعة الجلاس محلا وهجها وأنوارهــا

حيوا(ام عفيفه) خلوها لعيون بنتها تشــــــــوف

خلوها تشــوف السعــاده فعيون بنتها

( منال) يا بنت (علي) فيــك تهيج الوصـــوف

وتنتشي دار الأمــاني وتدندن أوتارهــــا

أنزلي البسمة على صوت المعازف والدفوف

وأشعلي ليل السعادة وأشعلي سمارهـا

اتكحلي لعيون ( احمد ) ورد العين غيره ما تشوف

هو حبيب العمر وأنتي دنيته واسرارها

بالرجــوله والشــهامة والمــواجيب معـــروف

من سلايل ارجــــال عـاليٍ مقدارهـــــــا

الشعر الثاني فؤاد وكوثر

حياك ربـي يـا ضيـا الحفـل حيـاك
يا (كوثر) منتي مثل باقي الحور
قلوبنـا ترقـص علـى دقـة اخطـاك
و الملـح كلـه والحـلا فيـك منثـور
لك بسمة لامـن بـدت مـن شفايـاك
يجبر بها الخاطر ليـا صـار مكسـور
ولك ضحكـة لا وخـرت عـن ثنايـاك
تسحر غلا قلب ن من العـام مسحـور
ولـك نظـرة لا صوتـت للغـلا جـاك
لو دونـك جبـال ومسافـات وبحـور
اللي مدح لو قال مـا قـال مـا اوفـاك
واللـي تكلـم فيـك مسكيـن مقهـور
و للحاسـد اللـي بالغـرور يتـبـلاك
قولـي طبيعـي كـل مزيـون مغـرور
ما لوم شعـر مـا كمـل فـي مزايـاك
وبيت تعـذر عـن وصايفـك معـذور
و (فؤاد) اللي ينتظر يوم لقياك
دقايقـه ساعـات وايـامـه شـهـور
يفرح بشوفـك يـا الغـلا و يتحـراك
فرحة ربيـع بآخـر الوسـم ممطـور
له قلب ما يـدري وش الحـب لـولاك
وله عين يغنيها وجـودك عـن النـور
يفـداك يـا سيـد المزاييـن يـفـداك
قلـب تعلـق فيـك مـا رد لـه شـور
وجـده علـى حطـة يمينـه بيمنـاك
وجد الضرير اللي يبـي شوفـة النـور
عسا (فؤاد) يقضي العمر ويـاك
يا (كوثر) في بيت بالحب مغمور


بأنتظاركم باقرب وقت
سأكون شاكره لكم

[الكوثر]

الاخ الفاضل

لوسمحت استعجل في عمل الزفات لانه زواجات قريبه
يعطيك العافيه اذا اتقدر يكون يوم الاربعاء


شكرا لكم

[اوديو ستوديو]

لا تشيلي هم

الشغلة بسيطة

وان شاء الله

راح يكونون جاهزين