[عـازف الآهـات]

ترك الحفر ماكان يطري على البال
وماكنت أفكّر يوم ماشوف نوره
..
لين ذرفت دمعه وشفت الكحل سال
وقالتلي / وقّف والزمن حان دوره
..
ياما بنينا للهوى صروح وآمال
وأنهدّ صرح الحلم وانهدّ سوره
..
كانت تنوّر ليلتي كنّها هلال
كانت على ماقيل ثروه وثوره
..
لاجات شبّاك المواعيد يختال
من نشوته لاجات ماهو بطوره
..
واليوم شفني واقفٍ بين الأطلال
وشبّاكها تشبه أموري أموره
..
راحوا الرياض وخلوّا الدمع همال
وخلّوني اشكي ظلم وقتي وجوره
..
حزين في صدري من الحزن موّال
والحزن مشّى خافقي تحت شوره
..
اذكر زمان أوّل مواعيد و وصال
وليل الغرام تفوح دايم عطوره
..
ايام كنّا نلتقي مثل الأطفال
ونكره حضور الصبح نكره طيوره
..
نوب آتخيّل زولها ضمن الأزوال
ويفزّ قلبي كل ماقلت نوره
..
واللي بقالي حرف بالي وسلسال
ودفتر قصيد وشمعتينٍ وصوره
..
حتى الحفر من عقبهم صابه اهبال
جالس انوح وهاض مثلي شعوره
..
نوره تعالي شوفي الحب مازال
الحب باقي مابعد زال نوره
..
مدري وش أخبارك ولا أدري وش الحال
الفكر سارح وألف طاري يزوره
..
بنطرك لو تبطين وأن ماحصل فال
يا ظلم وقتك كان أبطى حضوره
..
عندي أمل وأن كان وقت اللقا طال
بصبر عسى مثلي تكوني صبوره
..
ودّي تعرف بقصّتي كل الأجيال
الا الحفر أخاف يفقد شعوره

[سمو البرـآءه]

نــــآـآآـآـآيس بقووووـوووه
يسسسلمووـوو

[عـازف الآهـات]

سـمو البـرآءهـ

ما أجمل نبراس يراعي بحلولك

جعلتِ صفحتي مكللة بأزهار الربيع

حرف الثناء لديكِ مشعب حد الإخضرار

ما اروع حرفي أن مكث معه حرفك الأمير

بحق تزيدني حبورا كلماتك

كُوني دوماً بالقرب أيتها النبيلة ..

لروحكِ النسرين