[vmoood]

يوميات صائم

..

موضوع يهتم ب اﻷشياء اللي فعلها الصائم سواء كان في فترة الصيام ام دون فترة الصيام
نكتب بيه اللي سويناه في الصباح الظهر
العصر الليل نص الليل الفجر.....

..
واللي بيحب يكتب شنو فطوره او الجزء الي قرأه بختمته والخ

..

نبتدي بأول يوم من رمضان انشاء الله

[vmoood]

ولازم اعضاء المنتدى يجتمعون الساعة 8بالليل نسولف فيه

[صبرالدنيا]

الله يعودكم جميعا و دعواتكم لنا بالنصر

[شموخ أنثى]

وااااااااااو موضوع في قمممه الرووعه
انشاء الله راح اكوون من المشاركيين فيه
لك مني اطيب تحيه >شموخــــه ة...~

[بويوسف88]

ان شا الله
وكل عام وانتم بخير
مبارك عليكم الشهر

[شبر]

موضوع رائع بس ما اشوف احد كتب لنا شنهو سواا

يالله انا ببتدي

اول شي صحيت من النوم الساعة 10 على غير العادة
سوفلت مع اختي شوي
وخذت لي شور قصير عشان يتجدد نشاطي
وبعد الشور حاولت اضيع الوقت شوي الين جاء وقت صلاة الضهر
صليت الضهر وشغلت الاب
كان في انتضاري صديقي من المدرسة
شغلت سكايب واتصلت عليه وجلسنا نسولف بالمجان
الين الساعة 2:30
وجلست العب بالاب واتصفح النت الين الساعة 4:00
هنا وقت جلوس اخوي واختي
جلستهم ورحت اجهز العدة عشان نسوي سلطة فوااكه اهم شي على الفطور
انتهينا من سطلة الفواكه قبل ساعة وربع من الصلاة
جلست العب مع اختي كورة على الاكس بوكس وتعادلنا 2-2
ولعبت مرة ثانية وهزمتها الهزيمة الساحقة 8-0
(انطرد لاعبين من لاعبين الدفاع حقينها فصار ماعندها دفاع كافي ضدي)
انتهينا قريب صلاة المغرب
صلينا وفطرنا وكان فطورنا كالتالي:
سلطة فواكه+نشاء+سمبوسة+شي ماعرف اسمه+نسيت الباقي

وجلست على الاب وبعدها لعبت مع اخوي واختي لعبة اوكي
للي مايعرفها هذا صورتها:

http://im42.gulfup.com/FeaFI.jpg (http://www.gulfup.com/?dijYnJ)


وفاز اخوي علينا

وبس خلاص باقي اليوم ماصار فيه شي مهم

[ساكن قلبي]

هلا فيكم

احسنت شبر

انا بعد بسولف معكم

يمكن تتحركوا اشوي


نمت بعد صلاة الفجر

صحيت اصلي الظهر ورجعت نمت لأني تعبانه

صحيت مره ثانيه العصر

دخلت المطبخ علشان الفطور

جهزت الفطور عالسفره

وصليت المغرب

وفطرت

وبعدها خلصت الشغل البيت

واخذت لي شور

وتسحرت والحين جلست على صوت الرادود

وانتظر صلاة الفجر

وبس

[vmoood]

آسفه ماتفاعلت معكم بس بعوضكم والحين ببدأ

بسمه أبدا

..

قعدت العصر ﻷني كنت تعبان وخذت شور سربع وبعدها قريت جزء الحادي عشر ﻷني اتبع نظام ختم القرآن في اسبوع وبعدها شفت مسلسل عطر الجنة ع mbc 1 وبعدخا ضفت أمي بالمطبخ تسوي الفطور قلت اساعدهها وفطورنا سمبوس+كيك انا سويته+بشاميل بالبيتزا+سلطة فواكه وأحلى عصييير فيمتو +فطاير سبانخ +واصابع جبن وبسسسس

ﻷن كانت عندنا عزيمة وبعدين قعدت ويا البنات وسولفنا وبعدها سويت الشاي المخدر والقهوة وامي بعد سوت حلى وكلناه مع القهوة
وبعدها شفنا المسسلسلات وبعدين قريت اﻷجزاء المكتوبة بالنظام ويا البنات وبعدين سهرنا إلى 3الفجر طق سوالف وبسسسس باييييي

[سيهاتي.]

حلوووووو الموضوع

ياليت الجميع يتفاعل

[شموخ أنثى]

بسم الله ابدأ يومي
صليت الفجر ونمت جلست العصر تقريباً باقي البيت كلهم نايمين مافيه اا انا وامي كالعاده
دخلناه المطبخ وفكرنا نسوي (مهلبيه عليها فستق /صينيه بطاطس بالفرن هذه فكرتي سويت نص وامي كملت /سمبوسه انا مسويتها /شوربه خضار) جلست بالصاله اتابع >عطر الجنه / سر الهوى/ وشوي على فورتيين حبيبتي
وجارتنا ماقصرت الله يعطيها العافيه طرشت لنا( بيتزا / بليله)وعطيناها من فطورنا شوي
اذن المغرب جهزت السفره وصلينا وبعدها فطرنا الحمد لله الحمد لله كان غسيل المواعين على اختي
انا عن نفسي اخذت شاور وشرب شاي لازم اساسي هههههه ريحت شوي بعدها عندنا القراءه الحسينيه والدرس لازم طبعاً كل يووم
بعدها عاد الهذرة والسوالف مع البنات فديتهم ربعي جلسنا الى الساعه وحده بعدين مشوا
على ماتسحرنا وخلصنا ع 2:30 وجلست ع النت اتابع صووت الرادود الى صلاه الفجر بعدها صليت كلمت البنات ع الواتس ونمممت
يووووووووم جمييييل أتمنى اني ماثقلت عليكم >>ادري اني هذرة شووي بس تحملووني هالكم يووم
اطيـب تحيه لكم ولقرائـتكم يومياتي >>شموخـــه ة,,~

[ساكن قلبي]

بجد موضوع جميل

اتمنى الجميع يكون بالقرب هنا ...!!

حياكم ربي

[شبر]

رجعت انا
مادري شفيه المنتدى مايفتح من كم يوم
الحمد الله فتح الان وبتزل يومياتي من جديد

امس:
جلست اصلي الضهر وبعدها شغلت الاب كالعادة
وبدات اتابع شروح لبرنامج تصميم اسمه cinema 4D
تابعت كم درس ورحت اسوي تصميم لأسمي من عندي
طبعاً اخذ مني وقت كثير لاني توني جديد ع البرنامج

وهذا هو بلمساته الأخيرة

http://im36.gulfup.com/EocOb.jpg (http://www.gulfup.com/?i9uohp)

بعده درست قرآن ورحت اسوي مع اختي اهم شي على الفطور الي هو سلطة الفواكه

بعد مانتهينا رحت ادرس قران زيادة

واصليت المغرب والعشاء ورحت افطر

فطورنا كان :صلونة+سلطة فواكه+كيك+شي ماعرف اسمه + شي ماعرف اسمه

وبعدها انبطحت رحت على الاب استخدمته شوي وخذت لي شور

بعد ماخلصت رحت اسوي لي انترو

وجات اختي بيتنا
بعدين جاو اطفال اخوي
وبعدين جات اختي الثانية

وبعد مامشوا كلهم رحت على الاب <<<<ياخي ماعندي شي في الحياة غير الاب

ونسيت شسويت بعد وارحت اتسحر

وبعد السحور رحت اضيع الوقت الين استوت الصلاة
وبعد الصلاة تقريبا نمت

وبس