حسن السعود
09-22-2013, 02:18 AM
محتاجك كبل مو هـسة وكــتك فات كبل سنين جيتــك جــنت اتانيهــة اني ما اصدك تنطبك عيني شـلون اريــد افتح جـــفنها كوة اصحيهـة غمض عيـــونك وشّردني خل ارتاح واني عــــيوني عــنــك راح الهيهـة واحلــفلي بشي حتى اقــــتنع غلـطان كفــارة اليــحلــف تــالـي ينـطيهـة و بــعد لا تــلـتفت للموتــة اليمرون اذا لاكتك روحي بــدون راعـــيهة من اكلك راح ابرد حتى اظل زعلان احـزن بـس حـسرتك عني اخفيهـة ولا تـقـرة شـــعر يـمي و لو لحظـات ســـمـعـنـي سـوالـف وزن مـا بيهـة رد الـذكرياتي و ســد علـيـها البـاب والاسوار الي بــطـولك راح اعليهـة ادمـن ع النفس بس مـرة اذا جـريت نفـسي و من هــوا اسمك رئتي امليهـة طفيتك جــمــر كوة ابــطلاع الــروح من الدخان سودة الدمعة الابجـــيهـــة حبني براحــتك كــون اني مو ويـــاك و ادوار الضــحية لـغيــري خليهـــــة خضت التجربة وشفت الخسارة شلون مـرّة..شـما خطيتــــها وردت احليهــة بالقـدرة كـدرت انـــسى سـهـل ذكـراك احـذر من صـورك خــــاف احاجيهـــة اني مثل الخرز عندي الجـــروح انواع كـل واحـد بحـالة ومـيـزة يـحويـهــة حـمل بـس الثـكل مـرات هـم مطلوب الـي يـطّــير الكواخــد الخــفة البـيهــة حبـــني براحـتك جـنـك تــزور كبــور مـا امـلـك دمـووع كـبالـك ابـجـيـهـــة تدري من الغــصن كل الطيور تـــطـير اذا مــرة وحــدة الـجـيلـة تـخـطـيــهــة حـبني بـلا سبــــب و بـدون كل غايـات هـيـجــي بــلا مـقـاابــل لله ســويـهـــة مـو كـل الـزرع مســــمـوح الـك تحـويـه اي فـلاح.اسـأل الـوردة شيــحويهــــة؟ يل روحـك قفص و تـجي البــلابل بــي واني روحي العنــاكب عشــعشت بيهة اريـد ادخـــــل كـلـب ما الــكة تمثـال بي واســأل ع الحــضـارة و يـمــتة بانيـــهة مــا اريـــد اليضـحي بــــروحـــة بــــس احتاج نص التضحيات الجنت اضحيهـة