[السـ جرح عيوني ــهر•._.•]

علامات الحزن

اصدار قل ما تشاء - الحاج باسم الكربلائي

علامات الحزن وعيون حراس
دمع طفلة وعتب وجراح واحساس
تصد الراس أبوها وتدمع العين
يهتز الرمح من يزعل الراس

على اظهور الهزل تصرخ يمظلوم
نزل دمع اليتيمه وخضر اهموم
على اظهر الهزل وتصرخ يمظلوم
نزل دمع اليتيمه وخضر اهموم
مشت طول الطريق اتنوح وتصيح
يايومويعود الراح يايوم
اذا غاب الابو ماتغمض العين
ياعاشر هالسهر ويسافر النوم
اذا حن القلب تتمنه لحسين
اذا شافت خطر صاحت ياعباس


علامات الحزن وعيون حراس
دمع طفلة وعتب وجراح واحساس
تصد الراس أبوها وتدمع العين
يهتز الرمح من يزعل الراس

تنادي بعد ابوي العمر شي فيد
رقيه الشوفتك يالوالد تريد

تنادي بعد ابوي العمر شي فيد
رقيه الشوفتك يالوالد تريد

ألوذ ابيا صدر من وحشة الليل
يليل آه ارحل خل يجي العيد

أمد إيدي اعله راسك بكلت اتقول
تعالي يارقية او تلزم الإيد

تجيها اشلون يالجسمك غده اوصال
رقيه مادرت بالخيل ينداس



علامات الحزن وعيون حراس
دمع طفلة وعتب وجراح واحساس
تصد الراس أبوها وتدمع العين
يهتز الرمح من يزعل الراس


فزت من حلمها ابصوت مجروح
أريد حسين هسه اوكامت تنوح
زينب والحرم كلهن اجنها
لكنها منالألم جن طير مذبووح
تصيح اهنا يبويه اوزينب اتصيح
يبو الأكبر عليك اشتاكت الروح
نياحه اوصوتهن بالليل مسموع
عليهن بالخرابه التمت الناس

علامات الحزن وعيون حراس
دمع طفلة وعتب وجراح واحساس
تصد الراس أبوها وتدمع العين
يهتز الرمح من يزعل الراس


بطشت جابو لها اوكريت يمه
حزينه اوشبكت الراس اوتشمه

بطشت جابو لها اوكريت يمه
حزينه اوشبكت الراس اوتشمه
اخذني اوياك ماصبر بلياك
آنه بنتك رقيه يبو اليمه
علي السجاد صاح ابصوت محروق
يعمه ماتت الطفله يعمه
اجت زينب عليها اوشافت الحال
لكتها اعله النحر مكطوعه الانفاس


علامات الحزن وعيون حراس
دمع طفلة وعتب وجراح واحساس
تصد الراس أبوها وتدمع العين
يهتز الرمح من يزعل الراس

وهذا الرابط

http://www.youtube.com/watch?v=usXeHQ1LjiM


مآآآآآجورين ومثابين

[سيهاتي.]

من اجمل القصائد الجديده

بارك الله فيك

[السـ جرح عيوني ــهر•._.•]

شكرا ع المرور الطيب