[سيهاتي.]

السلام عليكم ورحمه الله وبركاته

موضوع مهم يغفل عنه الكثير من مربيين الطيور
الا وهو تنظيف انف الطير

ف الوضع الطبيعي المفروض تكون فتحات الانف نظيفة وجافة

وعندما تصاب الطيور بالزكام او تدخل أي اجسام غربيه في فتحه او فتحات الانف يعطس الطير تلقائيا او يقوم بادخال طرف الظفر ف فتحه الانف لتحفيز اليه العطس للتخلص من الاجسام الغريبه

لكن مرات يمرض الطير ويزيد عليه اننا نقص او نبرد الاظافر فما يقدر ينظف الانف
وبمرور الوقت والتراكمات اليوميه من الغبار تجف افرازات الانف وبكل هالحاجات تبدا الفتحات بالانسداد اما بشكل تدريجي او بصورة سريعه على حسب الحاله

وفي هالحاله لازم ننظف الانف وفي حال التساؤل ليش مانلاحظ هالشي ؟ لان الكثير من الطيور توصلنا بأنوف مسدوده بحكم تواجدها ف محلات مغلقة تتراكم فيها الاغبرة والاوساخ او تكون مرضت وبقايا الزكام جفت ف نعتقد ان وضعها طبيعي وخاصه ان الطيور تكون صحتها زينه وسليمه
والواقع انه الطيور تكون تأقلمت ع انسداد الانف .
والطريقه سهله جدا كل اللي تحتاجه هو نكاشة اسنان وكلينكس وقفازات او قماش ف حاله ان الطير يعض
اولا نثبت الطير زين عشان مايتحرك ونعوره ونثبت الراس اهم شي

النكاشات انواع ف انواع بطرف مدبب وثانيات بطرف مدور شوي ف الواحد يختار المناسب لفتحات الانف وبالنسبه للطيور الصغيرة استخدم دبوس او حتى الابره تنفع لكن بحذر شديد

ع العموم هذي صور براكيت مصابه بمرض نيوكاسل نظفت لها انفها وان شاء الله اذا عدت ازمتها ع خير وتحسنت راح انزل موضوع عنها

هذي صورة الانف المسدود

http://www7.0zz0.com/2017/04/26/07/893788553.jpg

http://www7.0zz0.com/2017/04/26/07/607083143.jpg

بطرف النكاشه ابدا افصل الاوساخ من الاطراف بشكل دائري حتى تنفصل كامل
لما تنفصل

وهذي الصورة بعدما فصلتهن بس عادني ماطلعتهن

http://www7.0zz0.com/2017/04/26/07/234044604.jpg

بعدين نبدأ نطلعهن بصورة مايله من الطرف نحاول بطرف النكاشه نمسك الوسخ من الطرف ونسحبه ع جدران الكير من داخل لين نطلعه برا وفي هذي الخطوه لازم نكون حريصين ونسويها برفق عشان مانمزق الكير لان مرات احسه لين (مع هذا الطير كان لين ماعرف هل لمرضها او طبيعة الكير كذا من ان شكله يبين انه صلب ) ف اذا بدأ الطير يتحرك وقفوا ولا تسووها بسرعه عشان تخلصو
ف العاده الطير يهدأ لما انظف الانف لانه يرتاح ويتنفس احسن ( مع هالطير كانت هاديه جدا لدرجه اني ماثبتت راسها بالرغم من شراستها ) مع انها تعض خلتني اسويلها واذا توقفت تتذكر انها مش اليفه وتبدأ تعض ههههههههه

وهذي الصور لما طلعته


http://www5.0zz0.com/2017/04/26/08/363022102.jpg

http://www5.0zz0.com/2017/04/26/08/526772619.jpg

http://www5.0zz0.com/2017/04/26/08/510382101.jpg

http://www11.0zz0.com/2017/04/26/08/594098149.jpg

http://www11.0zz0.com/2017/04/26/08/502813480.jpg

وفي الختام اتمنى من الكل الاستفادة من الموضوع والسلام عليكم ورحمه الله وبركاته

[M-Al-Karbalaei]

مشكوووووور والله يعطيك الف عافيه