[فدوك]

قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية

يصاحب هالوكت النه ولادار
ولاكاع البعد تجمعنه ولادار
لا وكت الذهب مرنه ولا الدر
كضينه ايامنه ابهم واذيه
**** **** ****
اكظي الليل كله اني بيك هام
وكون البيه مره يصير بيك هم
جزاء انت واليلعب بيك بيكهام
يجيب الكول من غصبن عليه
**** **** ****
امشيلك ابدال الميل ميلان
وحبك على كلبي يميل ميلان
اذا نادي عراقي غلب ميلان
يصير سهل نسيانك عليه

حفرت أسمك بنص الكلب بيران
عليك تصب الدموع بيران
أحلفك بالرضا المدفون بيران
تحبني صدك لو تضحك عليه
**** **** ****
أكتبلي شماردت تكتب وأردلك
أزعل وابتعد وامشي و أردلك
بساتين بوسط كلبي ورد لك
يابحر الاخوه الصافي ميه
**** **** ****
يانور العين مرسالك وصلنه
ودمع العين بلل كل وصلنه
امانه عليك لاتكطع وصلنه
وخلي دوم عشرتنه سويه
**** **** ****
الك ياما نبض كلبي ودكلك
واطحن بالحجي ناعم وادكلك
شكدباليوم ارمشلك وادكلك
درمش بالجذب مره عليــــه
**** **** ****

شاب الراس من هجرك دواوين
انة بحيك صرت اطبع دواوين
مريض ومرضي وين الكة دواوين
دوا حضنك يهل مبعد علية
يرفرف فوك كل عالي علمنة
ويظل ينفع العالم علمنة
الفرح من نزل لينة علة منة
علة وشرد خاف من المنية
حلو يسمر والمحليك وشـــــراك
او حسنك للينظره شبج وشراك
كلي ابيا ثمن يرضيك وشـــــراك
لجن مالك ثمن در عالوطية
**** **** ****
شعجب دفتر عشكنه ماتكلبه
وليش انت اليكلبك ماتكلبه
تره كلبي بغيابك مات كلبه
كلب كلبي توفه وعم عليه

احبك واعتذر منك واناسف
جمالك بروحي مغربل واناسف
احط بروحي تي ان تي واناسف
وافجر نفسي اذا تزعل عليه

العليه غير اهلها من علاها
روحي خسى الكلك من علاها
بعزم الله نخلتي من علاها
يراموها بحجر وتضل سخية

ترد روحي اليه مرة شفتك
وابد لاتظن حلوة مرة شفتك
بحضن الغير ذايب مرة شفتك
عين بعين ماهميت بيه

اجيك بلهفة اتعنة وهملك
ولتضن يوم املنك وهملك
اذا ضنيت متأكـــد وهم لك
لان ميصح متوهم صافي نية
**** **** ****
ورد قداح اهديلـــك وجوري
وريدن ضيمي احجيلك وجوري
موجر والعشك كمـــــل وجوري
وشبه بركان حبك صار بية

بغير اسمك فلا الهج ولا لي (الج)
وانا سهيل بلياليك والالئ
روحي لا الك صارت ولالي
ابتلت بيك وأشد بلواها بيه

ابي ارشف درع ثغرك بلاعين
شحلاته شمع وجناتك بلاعين
شكثر صبت دمع عيني بلاعين
كل هذا وتكول اشصبت ادموعك عليه

وچا نسني
الفضل والاعظميه چا نسني
وعشت يومين بيهن چا نسني
صديقي گبال بيتي چان سني
ونزور حسين انا وياه سويـــه

يدنية الي انة وعت بيج
تعتين بية بكل حيلج واعت بيج
اريد اكعد ابديوانج واعاتيج
واشوف اشطلع منج الية
(العاشق الحزين)

شهر سيف الهجر ضدي وسله
نساني وراح وي غيري وسله
عنب ماحصلت منه وسله
طلع ذيب وكتلني اربات ايدية

[دموع الشوق]

:1 (9):

:1 (8):

[سيهاتي.]

ابدااااااااااع ابداااااااااع ماشاء الله

احب الابوذيات مررره

تسلم الايادي

[فدوك]

لي عووووودة بالمزيد


:1 (26):

[فدوك]

عشرتك روحي صدك ماتملها
وكلبي ايام سعدك ما تم ألها
أريد انصب لروحي مأتم الها
واشوفك هم تجي وتبجي عليه
................................

* * * * *لومرة تمر مثل الشماته
وانا لنحرك ولك يااسمر شماته
علي مغرور كالولي بشماته
صحيح بشامتك تنغر عليه
................................................


*لو رأسا تكلي ارجوك هدنا
وتعاركني وتريد النوب هدنة
ولك والله العشك وياك هدنا
مريض انا تعال اسأل عليه
.............................

يباري المرض هد حيلي وهدني
ولايوم ابتعد عني وهدني
ارشدني الرحمتك يارب وهدني
طريح افراش والعله خفيه

............................................

حبيبي لاتشد راسك سلامات
مريض وجتني علومك سلامات
الناس اتعاركت طلعت سلاامات
وانا الحاجوز ست فشخات بية



شوف اشلون حالي من تسلني
وترى سيف صدك من تسلني
الدمع يغلب جوابي من تسلني
اضحك بالجذب غصبا عليه

غيابك فتت المهجة وسلها
وسهم هجرك مرد روحي وسلها
نجوم الليل حلفها وسلها
حرام النوم عكبك مر علية

[فدوك]

لي بااااااااااااااااك

[فدوك]

ياصاح لاتهيج الروح خلها
وعساهه تموت من بعد افراك خلها
لازم ايدي الطبيب وصحت خلهه
المرض بالكلب جا شلك بديه
ا
انة الحزت الصبر والصبر حزني
والف وسفة اعلة سيف الظلم حزني
البحر الابيض لون يلفيه حزني
يصير اسود بلون الليل مية
**** **** ****
أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه
**** **** ****
حلو إسمك وأبوك شلون سماك
حبيبك لو زعل وياك سماك
صرت سمچه وانت الصرت سماك
لو طحت بحنانك إعطف عليه



قلب صافي لوتدري قلبنة
ابد فد يوم عل الغالي قلبنة
احنة ضلوع الك وانت قلبنة
ونخاف على القلب من كل اذية

افكر بيك يا حبي ولا انام
ولا غمض جفن عيني ولا نـام
احب اكعد يمك ولا نــــام
بعيد وشوفتك حسرة عليــة

***
حبيبي جفاك للمعبود صبراي
حبيبي كمت أكل للروح صبراي
حبيبي من ذكرتك نفذ صبراي
حبيبي يصعب فراكك علية
***




شهر سيف الهجر ضدي وسله
نساني وراح وي غيري وسله
عنب ماحصلت منه وسله
طلع ذيب وكتلني اربات ايدية
**** **** ****

احبك واعتذر منك واناسف
جمالك بروحي مغربل واناسف
احط بروحي تي ان تي واناسف
وافجر نفسي اذا تزعل عليه



حفرت أسمك بنص الكلب بيران
عليك تصب الدموع بيران
أحلفك بالرضا المدفون بيران
تحبني صدك لو تضحك عليه

[سيهاتي.]

يعطيك الف الف الف عافيه

بارك الله فيك :1 (3)::1 (3)::1 (3):

[خيالي]

يعطيك العافيه حلوين
:1 (12):
:1 (8):

[فدوك]

منووورين بطلتكم


سلامي

[عاشقه المستحيل]

هنيك على هـ الذوق ف خوآطرك
جد ابداع
اعجبتني كثير
رآقي موضوعك ../ كَ رقي ذآتك
مو غريب [ عليك ] هـ الرقي
يسعدك ربي , و يحفظك
دمت بحفظ ربي .."

[مجنونة العباس]

أكتبلي شماردت تكتب وأردلك
أزعل وابتعد وامشي و أردلك
بساتين بوسط كلبي ورد لك
يابحر الاخوه الصافي ميه




يسلمووو

[فدوك]

**** **** ****
يانور العين مرسالك وصلنه
ودمع العين بلل كل وصلنه
امانه عليك لاتكطع وصلنه
وخلي دوم عشرتنه سويه

[الشوق]

اللهم صل على محمد وال محمد

جزاكم الله كل خير

ووفقكم لما يحب ويرضى

سلمت الايادي

[فلسفة واقعنا]

روووووووووووووعه ححححيل .. يسلمو عالموووضووع يخووووبببل حححيل
ووو ههوآآي منهم ودي أهددديهم المخلووق عراقي http://www.am07.net/vb/images/smilies/81.gif

خصوووص هآي
حفرت أسمك بنص الكلب بيران
عليك تصب الدموع بيران
أحلفك بالرضا المدفون بيران
تحبني صدك لو تضحك عليه

[دفئ القلوب]

اللهم صلى على محمد وال محمد وعجل فرجهم ياكريم
قلب صافي لوتدري قلبنة
ابد فد يوم عل الغالي قلبنة
احنة ضلوع الك وانت قلبنة
ونخاف على القلب من كل اذية
يعطيك العافيه خيه على هدا الطرح
ابوديات رائعه
ربى يحفظك ويوفقك ويقضى حاجتك
وبانتظار مالديك من جديد