منتدى صوت الرادود - أريدكـ أنتَ تشهد

وسامي خدمة احسين حبيبي وقرة العين
يالهادي محمد أريدك أنتَه تشهد
وسامي خدمة احسين
***

اشـــــهد يا ابا القاسم
لوحـــة بالقلب راسم
صورة قـــائد وخادم
القائد ابو اليمه والخادم انه يمه
كل بثي الفضائي صبح من كربلائي
وسامي خدمة احسين
***

وسامي خدمة احسيني
حبيبي ويا ضوه عيني
كمر نورها اســـــنيني
ينشدوني على اسمه واذوبن لو كلت بأسمه
يابثي المباشر صوت وحرف شاعر
وسامي خدمة احسين
***

خادم خــــــادم المنبر
وموشـاعر! أنه اشعر
الكــــلمه ابقلبي تتفجر
سلام الله على احسيني عشك مابينه وبيني
دلالي وسكنته يماي الوجه انته
وسامي خدمة احسين
***

يا مالك نبــــض قلبي
حبيبي ويا جذر حبي
يروح الـــعقل يا لبي
سفينه وللعلم دربك مدينه وللحلم حبك
يا نجمه اسهيلي تكشف وحشتي ابليلي
وسامي خدمة احسين
***

اعلن آنه لو همــــــسه
ابد للـــــــموت ما انسه
يخسه العاده الك يخسه
شاهر صوتي عالضدك
وفاتح قلبي للودك
يارحمة وجودك خلودي من خلودك
وسامي خدمة احسين
***

نذرت العمر لرضاكم
وحك اللـــــذي سماكم
اموت واحــــييه وياكم
ما خاب التمسك بيك
توافي من يوافيك
وبيوم القيامه يظل حبك سلامه
وسامي خدمة احسين
***

وسامي خدمة احسينك
يا طــــــــه واقر عينك
حيــــــاتي كلها بيمينك
اردد باسمه واحروفه
حبيبي وعالمي ايطوفه
اورادي موده ورده اتزفها ورده
وسامي خدمة احسين
***
**
*

شعر ..: بسام الشمري