منتدى صوت الرادود - حياااااااااااتي

حياتي كنها غيمه وبالأحزان محكومه

أحاول بالضحك أنسى وأتخلص من أوجاعي

أشوف أيامي تتعثر وقلبي زادت اهمومه

وخدي من دمع عيني تجرح والفكر ضاعي

أعيش بوجهي الثاني . ضحك وأفراح مزعومه

أخادع منهو يسألني واقول المزح بطباعي

الأقي منهو يشكي لي وأنا بالهم موسومه

وأقول بخاطري همك أقل والله يالناعي

تبي تعرف حجم همك تذكر منهي مظلومه

ظلم ناسي ، ظلم قاسي ، وظلمه يدق باضلاعي

حياتي كلها قسوه مثل ليلٍ بلا نجومه

مثل ليلٍ بلا قمره مثل مركب بلا اشراعي

مثل سحبٍ يمر بصيف وقاعي منه محرومه

أشوف المزن من حولي ولا يوصل لمرباعي

مثل حلمٍ وسط عيني غفيت وتاه بحلومه

حلمت وماأكثر احلومي ولكنها بلا داعي

مدام انها ماتتحقق تضل بالنفس مرحومه

أبنعي حظي العاثر بموت الحلم والراعي