,,
هموم وليلة سودا وأشاهد في سماي غيوم
أعيش الليل ظلمه يمكن ألقى النور في باكر
أحاور صمتي القاسي وأجاوب بوحي المهموم
أحاول أخفي آلامي ويظهر حسي الماكر
نعم أضحك مع أصحابي ولكن داخلي مسموم
على كل الجروح اللي بقلبي يالغلا شاكر
أشوف أن الفرح كذبه على وجه الزمن مزعوم
وإذا عشت الفرح لحظه أشوفه للوفا ناكر
أعيش الحزن في ليلي وكيف أنسى وهو مرسوم
وإذا حاولت أبي أنساه يرجعلي وهو فاكر
صباح الهم ياجروحي أصبحكي وأنا مرحوم
صباح" ماظهر وجهه إذا كان الزمن عاكر
وليل" طال بي وقته يداعبني وأنا مكتوم
ومع كل العنا برجع وأقولك يالغلا شاااكر
!!!!
|