[إيليا]

شوقـــي

شوقي اوحنين أيامي قلبي ألوصالك ظامي
حيدر علي حيدر علي يا دنيتي وأحـلامي
* * *
من بعدي عهدي أتعلقت روحي أبجمال أعيونك قبل الرضاعة عاشقك آنه وجنت مجنونك
عشت العمر بـيـن المحبين اومن يعــادونك شفت الحياة أبلا ثمن يابا الحسن من دونك
جنت أبجميع أدواري نثري أوجميل أشعاري
نورك جلي نورك جلي في قدرتي وإلهامي
* * *
ليش أنده أبكل معضلة باسم الوصي وبذاته لـنِّي سمعت المصطفى أينادي علي أبشداته
ذكرك عبادة مو عبث معنى و إله غـاياته ذكرك دوى ذكرك فرج تحوي العطر ورداته
أصرخ علي من أعثر باسمك دليلي يستر
تحضر إلي تحضر إلي وتمحي جميع آلامي
* * *
عالم حياتي يـا علي حبك الطـاهر ورّد قلبي خضر باسمك يظل مهما العمر جاز الحد
اسمك شرف للألسنة حتى العرش بيه ردد انـته الشهـادة الثـالثة بيـها الوجود اتشهد
صوت المنارة أينادي باسمك يروح الهادي
انته الولي انته الولي وانته الوصي والحامي
* * *
ما أروى آنه من وصالك يا علي اشما يكثر هل من مزيد أهتف وأناديك المدد يا حيدر
يـا شوقي يا هب النسيم اللي جلالك يسحر كـل ما تمرني يا علي نبضاته قـلبي كبٍّر
حبك سِحر بعروقي يا مطلبي أومعشوقي
يالمعتلي يالمعتلي قلبي وأساس إسلامي
* * *
حبك يا حيدر جنتي فصل الربيع الساحر بـيه السعادة والهنا وبيه المحب متـفاخر
هذا أبد مو أي حجي لا ولا فكرة شـاعر تشهد تجارب شيعتك بالماضي اوبالحاضر
للشدة كل ما ردتك شفت الأمل بمحبتك
وابساحلي وابساحلي ينزل نداك إلهامي
* * *