[إيليا]

شيعه ثبتت عقيدتنه شيعه حبك هويتنه
*
انته الإمام و انته بدر الأمل يالبيك دين الله الحنيف اكتمل
لو سائل اعليك و علينه سأل شيعتك إحنه و انته خير العمل
بإسمك كملت دنيانتنه شيعه و حبك هويتنه
*
انته يد المعبود و انته الوجه بالشدد ما غيرك إله نتجه
مرضع الصافي امن المهد ينتبه و الخالفك ما يفهم و مشتبه
حبك تمم سعادتنه
*
حياك يا الما حصل مثك احد ما مثلك ابمحراب عابد عبد
انته الذي طلق الدنيه و زهد شخصك صبح للدين سور و عمد
بيدك خفاقه رايتنه
*
يا علي و كلنه نهتف ابها الإسم سرك و سر المصطفه طل إسم
بينك و بينه كل أمر ينقسم هادينه روح الدين و انته الجسم
دينك يحفظ كرامتنه
*
حبك هويه امسجله ابكل نفس معناك واضح مثل قرص الشمس
يا ثاني أصحاب الكساء الخمس شيعه و ابظلك نحتمي و نحترس
نشهد هذي شهادتنه