خطب بالمله محمد خطبته الناس اسمعتها
و قال هالرايه امهضومه اتريد راعيها و كفاها
*
باجر أنطيها الفتاها و يده عن كل يد عليه
ايحبه باريه و نبيه و يحب باريه و نبيه
كل عجيد ابقلبه كال المصطفه أشر عليه
بالعكس حسب إحسابه هوه للرايه فتاها
*
و الذي جان بأملها بقه ابذاك الليل ساهر
ايحسب و فكره ايتدكدك و من صبح مصباح باجر
صار الوادم إقباله و للنبي تربي النواظر
و من ترف الرايه يرجف قلب من بات ابرجاها
*
يا علي ابصوت النبوه ناده بالأمه محمد
علي صهري و إبن عمي البيه دين الله تأيد
جاوبوه اللي تريده يا رسول الله أرمد
و من حضرت النبي و عينك من لمه ثغره شفاها
*
ابعزمك الرايه احملتها فوق عزمك عزم ربك
عالدرع قلبك لبسته و عالقلب إيمان قلبك
يا علي ابهاي المعاني اتوحشت شيشيل حربك
هاي معقوله و تنحرك قوم مغلوله يداها
*
مرحب ابحملاته ناجح بإنكسار الجيش مغتر
ايصيح انه السمتني مرحب أمي و أنه الموت الأحمر
يا علي من سمع صوتك صحت آنه الأسمي حيدر
اشلون صيحه الصار مرحب أخرس أطرش من صداها
*
و من شرد يرتعد مرحب إبليس جالكاهن عرض له
هذا مو ذاك التخبره و ما ينحرك من ترد له
جم ألف من قبل هذا حيدر امسمين أهله
اشلون عين إبليس صلفه حته لصحابه غواها
*
من اليغويها ايتبره و آية إنكاره صحيحه
حالف ابمدة حياته ميتكلم بالصحيحه
إبليس تكفر من تشكره و هاي مو منه نصيحه
إبليس من كثر الشطاره ايجه ايكحلها عماها
*
اشلون ضربه حيدريه المرحب ابهمه اضربتها
اتبيط التاريخ بيها و خلت المله استرتها
يا علي و قوة البيها للحصن بابه اقلعتها
ما هي قوة بشريه لون يتكشف غطاها
*
و عالماي جذمك ثبت و الباب ارفعتها
بيدك و عبره اصنعتها للصحاب و عبرتها
وشتقول اللي تجذب هالخبر لو ناشدتها
جسر ثابت لو تقلي قنطره و بنه بناها