[إيليا]

شرفك معبود السما الخالق عباده..... ياراعي القياده
جبريل يشهد وإنت يا حيدر إستاده..... ياراعي القياده

****
يا علي لوما وجودك الدين ماصار وتعمر
إنت حيدر الموت الأحمر وإنت داحي باب خيبر
إنت أول وإنت تالي للإسلام سور مرمر

إنت الحسب.. وإنت النسب... ليث العرب.. سيفك غضب... گبتك ذهب
والغير گبته مهدمه وعاريه

ياعلي ورب البريه صورك للكون زينه
ماعرف معناك غير الباري والهادي نبينه
موش گصدي بيك أغالي ولا لعد فضلك أبينه
ماني شارح.. الفضل واضح ... چالمصابيح.. واليكافح خله يا حيدر يجينه

هذا الخبر عن النبي گال بلسانه.... ومايخفى بيانه
بالكتب خل يطالع الراد إستناده... ياراعي القياده

-------

يا علي ورب البريه لبسك ثوب الخلافه
والغصب هالثوب منك بالحشر شنهو إعترافه
وإحنه يا حيدر نعرفه الخانك ونعرف اوصافه

يوم الشدد.... بالمنطرد ... لمن شرد ... خايف لبد ...وإنت الاسد... صوتك رعد
وإنت ذراعك عبر الحربيه

خبر وارد عن محمد – اللهم صل على محمد وآآآآآآل محمد – يوم گال لك يابو الحمله
ماعرف معنى الإله خالق الكونين إلا
آنه وياك النعرفه ياعلي من الكون كله

إنت وانه...نعرف شانه....وسر بيانه... معنوية حكمة الله

معناي غير الله وغيرك ما يعرفه....... ولا واحد يوصفه
بس الله وانه اللي نعرفك عالإراده.... ياراعي القياده

-----

ياعلي وبيك إلتزامي وهيبتي وهيبة الأمه
من سبب ماشوف واحد مثلك وحتى آنه لزمه
واليأخرك نغل مو حافظته أمه

والأخرك ... ما قدمك ... شلون إعزلك ... عن منصبك ... وهو إلك
لولاك هذا ما نحب طاريه

بعد ما يحتاج نشرح هالخب مسند
شلون يتچذب و وارد عن رسول الله محمد – اللهم صل على محمد وآآآآل محمد
ما يچذبه إلا ذاك المابضي حبك ترشد

ذكر ربه.. واليچذبه... عمى الگلبه... وعلي بدربه... وعن طريچ الحگ تبعد

ماحصل الدارين كل من عاف دربك ...... وما يهتدي بحبك
خل يعبد شما عبد ما تفيده العباده.... ياراعي القياده