[مؤسسة كليم الحسين الفاطمية]

أم البنين أبهالاسم سماها رب الكون

من اصدار فرحة الموالي الجزء الثالث

كلمات والحان واداء

كليم الحسين ملا بسام الشمري

الهندسة الصوتية محمد جاسم الكربلائي

التسجيل والمكساج مؤسسة دانيال الاسلامية

انتاج وتوزيع

مؤسسة كليم الحسين الفاطمية

الكورال

ملا حسين العربي وملا بسام الشمري

القصيده بين يديكم كتابه وصوت

هذا ما طلبتموه انتم ونحن خدام لكم وخدمتكم شرف لنا

مع تحيات

كادر

مؤسسة كليم الحسين الفاطمية

ونسالكم الدعاء



http://www.4shared.com/audio/KXN7e8c7/_____2010.html

أم البـــنين




ام البنين ابهالاسم سـماها رب الكون
ام الصبر ام الوفه بيها القلب مجنون
باب الفرج للناس ام البطل عباس
ام البنين





ام الحسن خير النسه هادينة طه كال
وام البـــنين ابفاطمه صورها هالدلال
نذرت عمرها الطاهره لجل الديانه وشوف
رخصت ولدها الاربعه يـوم الوفه الطفوف

كعبة شرف تنقاس ام البطل عباس
ام البنين





وآنه عليها اتعــــــودت كل شده انخاها
الله يــسر كلمن كـــــــــصد الها وتعناها
اندب اسمها يا وفي والفاتحه اهديـهه
اتحل المشاكل والعسر وفآيه تدريهه
كلها وفه واحساس أم البطل عباس
ام البنين

من الصـغر هذا الاسم يسري ابشرايني
أكبرت ابعشـكها وافتخر خادمها سميني
هذه الحليله للصميده ام اربعة اقمار
باب المراد اتلقبت من حيدر الكرار

الها الكرم نبراس ام البطل عباس
ام البنين





يا رحمة الله الواسعه بيج الدعه ينجاب
شافي عللنه المـــؤلمه واترجعي الغياب
زيلي كربنه وكل هظمنه أبدعوة الجبار
ويوم القيامه وبالحــشر حبج يخمد النار
لا ما يظل وسواس ام البطل عباس
ام البنين





كل ما ازور احسين أنه وأتعنه لعظيده
يم الكمر أســـــــمج طبع من دم وفه أوريده
ابشباكه انظر هيبتج يا هيـــبة الهيبه
انتي مناجات القلب والدعوه ترحيبه
اتهبهب عطور وياس ام البطل عباس
ام البنين





اخـتم كلامي ابطاعتج يا مهجة احسيني
بارض المدينه مرقدج يالطاهره وعيني
وسط القلـب مرقد الج دمــــــي اله زائر
وتهتف شرايينه ابفخر شيعي واظل ثائر
اسم ويظل عالراس ام البطل عباس
ام البنين
ونسالكم الدعاء