ياليل لاتفتح على همي الباب
,,,,,,,,,,,,,,,,,,,,, المغتـرب ياكبر ياليل هـمه
والدمعه اللي بللت سود الاهداب
,,,,,,,,,,,,,,,,,,,,, هي حيلته يوم افتكر دمعة امه
ياغاليه ماللفرح فيني اسباب
,,,,,,,,,,,,,,,,,,,,,مغليك لولا دمعتك وش يهمه
نبرة حنينك كلها لوم وإعتاب
,,,,,,,,,,,,,,,,,,,,,وإحروف شوقك حزنها كيف المه
منك إكتسيت ابغربتي ثوب الاتعاب
,,,,,,,,,,,,,,,,,,,,,اطرد خيال القرب وازريت اضمه
اخاف من طول البطى عنك وارتاب
,,,,,,,,,,,,,,,,,,,,,طول المدى للمغترب كاس سمه
ياكيف صرنا بالوصل مثل الاجناب
,,,,,,,,,,,,,,,,,,,,,ورد الوصل يصعب علينا نشمه
لو للمُنى حيله على وصل الاحباب
,,,,,,,,,,,,,,,,,,,,,كان المـُنى وصلك من آمناي تمه
مشتـاق لك لكن قضى الوقت غلاب
,,,,,,,,,,,,,,,,,,,,,حكم الزمن بُعدي وانا آبغاك يمه
واللي جعل دمعي على الخدصباب
,,,,,,,,,,,,,,,,,,,,,ياحاجتي لك مثل جسمي لدمه
|