الموضوع: وصـــف حبيبــي
عرض مشاركة واحدة
  #1  
قديم 07-06-2011, 11:26 PM
مؤسسة كليم الحسين الفاطمية مؤسسة كليم الحسين الفاطمية غير متواجد حالياً
عضو مميز
 
تاريخ التسجيل: May 2011
الدولة: عراق علي والحسين
المشاركات: 1,923
معدل تقييم المستوى: 15
مؤسسة كليم الحسين الفاطمية will become famous soon enough

افتراضي وصـــف حبيبــي


الغزل يحله أبجمالك القمر أصبح خيالك
منو مثلك حبيبي ألقمر أصـــــــبح خيالك


عيونك
بعيونك أبدي مجنون أبسر أجنـوني ابآهي
عيونك علة الكــــون ســــــــرها سر الهي
عيونك قــــلم والنون منــــــــو الها يظاهي
عين الله أبعـــيونك جمال وما يحسدونك
منو مثلك حبيبي ألقمر أصبح خيالك


رموشك
رموشك ســــــحر الايام سحر حب للهدايه
تصوب قلبي بســـــــهام وتـــزفني للولايه
رموشك مصحف أحكام آيه أتـــــــزفها آيه
وتفسرها الحــواجب الرضا الباري تطالب
منو مثلك حبيبي ألقمر أصبح خيالك


خدودك
خدودك نور الاشواق تنور كـــل محبه
تلم كل شمل مشـــتاق الى المـعبود ربه
أبد ما تعـــرف افراق دم وداره قـــــلبه
سبحانه العزيز الرب بخدود جمال الحب
منو مثلك حبيبي ألقمر أصبح خيالك

كفوفك
كفوفك شتا والصـيف كــــرم كــفك هديه
مأمن دار للــــــظيف شــــفه بيـها الشفيه
كفوفك هيـــبة السيف تحــــز اهل الرديه
بكفوفك طيبة الناس بس تمسح على الراس
منو مثلك حبيبي ألقمر أصبح خيالك


الاقدآم
وبعد يحـــــسين الاقدآم سرآط الــــحق تدوسه
تسحك سلــــطة الظلام تســحك عرش ناموسه
جسمك روحك الاسلام ابعين الباري محروسه
عيـن العالي ترعـاك جمــيل ابنوره سواك
منو مثلك حبيبي ألقمر أصبح خيالك


حبيبي
الغزل يحله ابمداميحك يا اجمل غزل عندي
الجنه اتهبهب ابريحك ومنك كل مسك يبدي
أسمك جسمك أضريحك كــعبه ايطوفه ودي
احـسك روح الارواح حــــبك عذب فواح
منو مثلك حبيبي ألقمر أصبح خيالك


يغالي
ابجمالك صرت رسام رسم صوتي الموده
كتاب أيفــسر الاحكام رسمتك فوق ورده
قائد واحـــــــــنه خدام عشك حبك نرصده
فضائي الحب مباشر غــزه حسين الظمائر
منو مثلك حبيبي ألقمر أصبح خيالك



كلمات
كليم الحسين ملا بسام الشمري
مع تحيات
كادر مؤسسة كليم الحسين الفاطميه
عنهم اخوكم
علي الشمري
رد مع اقتباس مشاركة محذوفة