[مؤسسة كليم الحسين الفاطمية]

عباس سبع الكنطره وصــــــولاته معروفه
الموت الاحمر لو غظب حيدر علي اتشوفه
عباس عباس

هذا ابو الغيره منوصف بطباعه مـــطبوعه
خوة الهادي للوصي ابــــــــروحه مزروعه
ميهاب الآف والف بالـــــــــحومه مجموعه
يدخل عليها ابرايته وايـــــــــــخوف اللوعه
صرخاته لله الحـــــــــــــمد والرايه مرفوعه
شمراته شمرة حيدره وصــرخاته مسموعه
اني فدائي حســــــــــــــين وين اليواجه وين
عباس عباس

من يشبهك يا ابا الفضـل من يشبه اوصافك
الحمزه انت لو علي كلمن يـــــــــصد شافك
وبجناحه جعفر يفتــــــــــــخر ابكربله طافك
الموت منــــــــــــك يا شهم يرتعب وايخافك
والابه منك تنـــــــــــــرسم ابعطشت اشفافك
الماي عفته ابـــــــــكل عزم مو مايك العافك

الابه انت امئســــــسه وللوفه انت المدرسه
عباس عباس

موبـس شجاعه ومرجله ابعباس مرسومه
معصوم ما عنده ذنب من صــغره واليومه
بالكرم وبــــــعلم النبي وراث علي اعلومه
سيد بني هاشــــــم قمرها ابدينه وابصومه
روحه الديانه والتـــــــقى وبالعزه مغرومه
وهيبة ابو اليمه صـــــــبح عباس بالحومه

جيش الحسين وشــوف عباس وحده الوف
عباس عباس

عباس محد يشــــــــــــبهك بس انته عباس
والراس باســــــــمك يرتفع لا ما يطخ راس
والغيره منك تنتــــــــــفظ واتهيج الاحساس
ساقي العطـــــــــاشه بس الك بالعزه تنقاس
سبع الطفوف ابــــــكل عزم هداها الارجاس
من يوصـــــل احدود الحرم والحامي نبراس

حامي الحمه وابزود ابــــــرج الابه مرصود
عباس عباس

يا روح زيـــــــــــنب يا وفي يا روح الارواح
يومك مدارس للـــــــــــــوفه بل اعظم اسلاح
باب الحوائج للخلق يمـــــــــــــداوي الاجراح
والشده باســـــــــــــــمك تنجلي والعله تنزاح
ميخيب كلــــــــــــمن كاصدك عباس لو صاح
تجلي همومه حضـــــــــــــرتك اتبدلها بفراح

يا ابا الفضل والجــــــــــود بابك حشه مسدود
عباس عباس

هايم عليك اتـــــــــــــــــعودت كل شده انخاك
اطلب شـفاعه ابخـــــــــدمتك يا سيدي ارجاك
ويه الحسين وصــــــــــحبته اتصاحبني وياك
خادم الك يا ابا الفضــــــــــل يا روحي تهواك
خادم اصير الصـــــــــــحبتك واعيوني ترعاك
وافديك بالــــــــــــدم بالنفس وابروحي افداك
اقبلني خادم لـــــــــــــــيك واشتم واقبل اديك
عباس عباس
ونسالكم الدعاء