ثــورة الأشعار
انه مو شاعر انه اكتب شعر انه ثورة امن الشعر تكتب اباء
والاباء ايصير قاموس العلم والعلم بالعقل مزروع ابصفاء
القلم سيف ويحز نحر الجهل والجهل ملعون من رب السماء
العلم نوره الحـــلم
والشعر سره العلم
بالحرب لو بالسلم
ثورة الاشعار تسحق كل عروش الظالـــــــــــــــــــــــــــــمين
انه مو شاعر انه اكتــــــــب شعر والقصيده اليوم اهديها الك
عبره منها اخذ الخلاصه واعتــــبرلا تغرك دنيتك مال وملك
الدنيا بيها اشكال انواع البشر منـــها شيطان ولبس زي الملك
ومنهه يفـــديك العمر
ومنها جمرات الجمر
ومنها اســـتاذ الصبر
ومنها خادم ومغرم وفي بيه انت تقرالعـــــــــــــــــــــــــــــين
الشعر ملحمة القوافي والشـــــــــــــــعر ابلا قوافي مو جميل
خلي اسنــــــــــــــــــــــينك قوافي لكن ابطاعة الرب الجليل
واليكلك عوف احمد حاربه وكــله لالالالالالالالالالا مستحيل
انا مخـــــــلوق الاجلهم
وعمري افديه الاسمهم
الدنـيا ما تسوه بهجرهم
ذوله سر الله واسباب الوجود وعز الســــــــــــــــــــــــــــــنين
الشعر كلماته تشــــــــــــــــــــــــــرح شنهو عندك فكر حامل
وانه من طبعي صريح وبعد اكـــــــــــــــــــــــــــثر ما اجامل
ليش متفرقين احــــــــــــــــــــــــــــنه وبينه متشمته العواذل ؟
خلي نتــــــــــــبادل مــوده
انطيك ورده انطيني ورده
والـصفوف اتصـــير وحده
صفي نيتك يا حبيبي ابدرب واحد ســــــــــــــــــــــــــــــائرين
انه من اكتـــــــــــــــــــــــــــــــــب شعر ما اريد اتكلي احسنت
رايد اتطيع الظمانه وبالــــــــــــــــــــــــــــسلامه المن اعشكت
صير مرجع بالسماحه ولا تـــــــــــــــفرق ولـــــــــــــد لو بنت
صير خادم للــــكبير
وصير وآلد للصغير
آخرك شنهو المصير
ما ينفعك كل غرورك بالحشرلا هم بنيـــــــــــــــــــــــــــــــــن
الشـــــــــــــــعر معجزته المواهب والموهبه امن الباري حلوه
ولد انته طيع ربك وصــــــــــــــــــيرمخلص لبو اليمه والعروه
بنت انتي العفه حلوه بالستر وخلي زينـــــــــــــــــــــب الج قدوه
الخلــقنه ربنه واحد
والصميده النه قائد
وللبتول احنه نعاهد
هيهات احنه نذل وابد ما ننسا الحـــــــــــــــــــــــــــــــــــــــسين
ونسالكم الدعاء
كليم الحسين بسام الشمري