يا أول شـــــخص رايد اهــــنيك
أبميلادك حبيبي أشعندي أروايك
صوره امن المشاعر كتبـــــها دمع شاعـر
يا ساكن دليلي أبــــدمه أفديك
قصيدة حب عجيبة هالقصيده
كتبها هالمحب من دم وريده
تنزف بهجة وأفراح عطرها مــــــسك فواح
تبـــﭽيني القصيده وبيها أبـﭽيك
يا ساكن دليلي وعــني غايب
تعال وشــوفني شهاليلة كاتب
شعر من دمعة العين يبـﭽـي ويبــﭽـي البين
يا دمعة سنيني وعمري أهديك
حبيبي أرجاك عجل أرجع أنخاك
أريد أكضي حياتي وأختمه وياك
الك ملهوفة روحي تعال أشـفي جروحي
وهجرك بس الك من هجرك اشكيك
أبعدد أيام هـــــــــجرك الك حـــبيت
يا ماي الوجه بعته الك وأشـــــكيت
دموعي فوك خدي الك تصـــرخ يمهدي
يا ساكن دلــــــــــــيلي الي يدك بيك
خليني أعيــــــــتش ابفرحة مسرور
أريد اويـــــــــاك جنـــة كربله انزور
الك اهدي الموده وردة أتزفـــها ورده
على راسي حملت أسمك وأخليك
طاووس الجــــــنان أنته يموعود
نفرش هالـــــعمر الجـــيتك أورود
من يمناك اليسرتك الخلك كلها أبــــأمرتك
صحنة وعجل أظهر يا مهدي لبيك
سحابة شوك الك تمطر حياتي
يل شوفك فرحـتي وكل نجاتي
وبمولدك هاليوم حب المحب مغروم
يمام القلب عجل روحي ترجيك
ونسالكم الدعاء
كليم الحسين بسام الشمري