إهداء للرواديد محرم 1443
من أذكر دلالي.... بأيام الخوالي
ياخوية ياعباس.... بعدك من بقالي
انته اللي جبتني
بهيدة ركّبتني.....
يا أخوية الغالي..... ومنتهى آمالي.... منهو يمي
منهو يحمي خيامي..... منهو يسلى اطفالي... ويجلي همي
للنهر بقصد لك.....أخبرك واشرح لك.... وانته مدمي
حسين حزوا نحره.... بخيل داسوا صدره... ابن امي
تالي هجمت ارجاس...... عالخيمة ياعباس
ومن فرت الاطفال...... خفت بخيل تنداس
وعدوانك ولتني
بهيدة ركّبتني
..............
ومن ركبنه الهزل.... وماإلينه محمل..... حرت حيره
عالجثث مرينا.... منظر يأذينا..... شهالكسيره
العدو قلبه قاسي... قصده احنا نقاسي.... يابو الغيره
وداعة الله روحي.... مسافرة بجروحي... ويا العشيره
بوجودك اميره..... بغيابك اسيره
امشي ويا العيال.... من ديره لديره
دنيا ضيعتني
بهيدة ركبتني
باليسر وأهواله..... أشكي آنا الحاله..... لله ربي
روسكم قدامي..... هيجت أيتامي..... ليها تربي
والطفل لو يسئل.... ولوعته مااتحمّل.... ربي حسبي
والأشد والأصعب...... انشتم لو أضرب.... بهذا دربي
بعد هاي المسيرة..... المصيبة الكبيرة
خوي من دخلنا.... دخلتنا المريرة
الكوفه ألمتني
بهيدة ركّبتني
من الكوفة للشام...... امشي ويا الظلام.... محاوطيني
وين راعي الصولات....وصلت باب الساعات..... خل يجيني
وي بناته وقوفي ..... مقيدات كفوفي... مربطيني
وليزيد ادخلنا... اسع سعيك قلنا.... بكل يقيني
شماقالوا الشمات ..... عن حسين بالذات
هيهات اهيه تمحيه.... ذكر احسين هيهات
لو الاعدا ذبحتني
بهيدة ركبتني
|