[عـازف الآهـات]

ماعلي خلاف اقول اللـي أبيـه
من فضل ربّي علي إنّـي قـوي

إلّا حبّك شي مـا أقـدر عليـه
كن حبّك ضيف والقلـب بـدوي

انت بس اللـي أبيـه ولا أجيـه
عنك حظّي لاوي ذراعي لـوي

صرت لي مشوار لاجيت أبتديـه
إن لقيت الدرب ضيّعت الخـوي

وين رايح جعل هالزول افتديـه
وانت خابرني من البعد أنكـوي

رد يامنهـو حياتـي فـي يديـه
لا تخلينـي وأنـا لـك مهتـوي

إن خسرتك وين ابلقى لك شبيـه
وأنت من كل شي نادر تحتوي .؟

أنت حتى الجرح منّـك أشتهيـه
من غلاك أضمى عذابك وأرتوي

انت لا سولفـت ماكنّـي هنيـه
التزمت الصمت كنـّي منطـوي

ليه أسولف لك وهي من غير ليه
تعرف انّك تطوي أحزاني طوي

أنت حبّك شي مـا أقـدر عليـه
كن حبّك ضيف والقلـب بـدوي