صديقي صار محبوبي
حبيبي أبساعه الوحشه يسليني
ومن أعطش عذب حبه يرويني
ينشدوني على أسمه واذوبن لو قلت كلمه
شيعي آنه الهوية وعاشق احسيني
شيعي آنه الهوية وخادم أحسيني
ساكن بالقلب محبـــــوبي خليته
أمير الروح ألي والأغلى سميته
ما لحضه نساني ولا أنه أنسيته
حبيبي ويا بعد روحي وهلي ونآسي
يا تآج الشرف عالــــهامه وأبرآسي
غالي أمن الغلا غالي ينشدوني على حالي
شيعي آنه الهوية وعاشق احسيني
شيعي آنه الهوية وخادم أحسيني
آنه أمن الصغر عاشق أنه الأسمه
وأكبرت وصــــرت خادم أبو اليمه
أبدلآلي ســـــــــــكن يم والده وأمه
ويم أســـــــــم الحسن خط القلب نوره
والدم بالـــــــــــشرف وأبهيبته أيزوره
واعيوني أله تربي ولو تنشد على حبي
شيعي آنه الهوية وعاشق احسيني
شيعي آنه الهوية وخادم أحسيني
يا رحـمة عشق ضوة ألي أسنيني
يا أســــــــــم العدل عالحق يدليني
حسيني آنه هويتي وخادم حسيني
أعوفن للبــــــــــــــــشر كلها ولا أعوفه
كياني حسين كله وعالـــــــــــمي أيطوفه
عباده أقسم أبأسمه وحق المرتضى وأمه
شيعي آنه الهوية وعاشق احسيني
شيعي آنه الهوية وخادم أحسيني
من مهدي أعشقت نور وعزيز الله
وأكبرت أصــــــرت ألمنبره أهواه
وأهتف والله أبد ما ننــسه حسيناه
يصــــــبحلي عـــــــــدوا الرايد اله أنسه
أشلون أنسه وحــــــــسيني للعمر نفسه
اليحب حسين مطلوبي صديقي صار محبوبي
شيعي آنه الهوية وعاشق احسيني
شيعي آنه الهوية وخادم أحسيني
منو مثلك حبيبي كامل الأوصاف
أيمان وقداسه وطيبه والانصاف
واجب لليحب حـسين أبد ميخاف
يحارب للظـــــــلم لو شــــــافت أعيونه
وعلى نحره يخـــــــط يا روحي مجنونه
جنني غرام حسين ياروحي وعزيز العين
شيعي آنه الهوية وعاشق احسيني
شيعي آنه الهوية وخادم أحسيني
ونسالكم الدعاء
كليم الحسين بسام الشمري
2 رمضان هـ
2011مـ