هنا نجلس أحسن ..أو هنا ..وين ماتبغين
أنا أحب هذا الركن لكن على أيـة حـال
هنا أحسن ..أرمي معطف الفرو للتخمين
وفيـّة تعرفين أن أنا أحـب هـذا الشـال
علامك علامـك ساكتـه ليـه ماتحكيـن
تبين أبتدي حاضرعلى امرك براحة بـال
على نفس هذي الطاوله من ثلاث سنيـن
رمت بنت دبلتها الذهب وانكسـر رجـال
تمسك بها وحاول وحاول وحـاول ليـن
بلا ليـن .. كـان يحـاول بكافـة الأشكـال
وشدّت يديها وارتفع صوتهـا ( وبعديـن )
أنا لازم أمشي وانت يكفيك لعـب عيـال
على آحرّ من قلب أنهدم حاول المسكيـن
وعلى آقل من مهل الندم باعدت تختـال
هنا مات حبّ ويبس قلب وتملـّت عيـن
من الملح وإندفنت حكاية فـرح وآمـال
وجيتي تبين نرجّع اللي مضـى هالحيـن !
أنا من ثلاث سنين بطلـت لعـب عيـال