آخر ليله ابعمري باﭽــر انزل ﮜــبري
زينب ترجاك تاخذها اويــــــــــاك
يوليدي ياعباس يوليدي ياعبــــــــاس
***
زينب اخلافي ابعهدتك يبو فاضل يالعجيد
لاتعوف احسين يبني ابكربله يصبح وحيد
انته قايد للكتايب انته فارسهم يحيـــــد
خـلـّه ايده ابأيد زينب ﮜــله نفذلها اشتريـــــــد
اختك تنخـــــــــاك تاخذها اويــــــــــــــاك
ﮜــله ياحيدر يبويه احنه كلنه فدوتـــــك
سيف المرادي ابد ليلي او لايصوب هامتك
صعبه عدنه يالصميده هذي هذي نومتـــــك
ﮜــلـّه يبني يبو فاضل العقيله ابذمتــــــك
تنظر عينـــــــــاك تاخذها اويـــــــــــــــــاك
ذبلن اشفاف الصميده اوﮜــام ينظر عيلتـــه
شاف الحسين ايتألم والمصايب صدمتــــه
والحسن سالت ادموعه ابصدره ظلّت حسرتـه
والعقيله ام المصايـــــب تلطم الخد صامتــــــه
صاحت بحماك تاخذها ويـــــــــــــاك
يوم جابوله الطبيب او شاف جرحه او شنهي بيه
ﮜــال هذا اصواب ﭽـاتل والطبيب ايهز بديـــــــــــــه
صاحت الحره العقيله ياهو عـﮜـبك نرتجيه
وين اروحن يالصميده او ياهو الانشد عليه
يمبـﭽـي اعداك تاخذها اوياك
احنه ردنه يالصميده اصيامك ايتم هالشهر
ردنه ويانه حياتك موشهر طول الدهــــــر
لكن الجــّله جلاله حتـّم اعلينه القــــــــدر
والصميده ايوصي زينب كلها انتي اويا الكمر
حيدر وصاك تاخذها اويـــــــــــاك