[مؤسسة كليم الحسين الفاطمية]

ذكرياتي

وانا اتصفح بمكتبتي الخاصه وجدت اوراق قديمه يعود التأريخ لها الى اواخر 1999

تصفحتها فوجدت فيها اول كتاباتي

وهذه هي



عشقت الحســـين من طفولتي
وهيمني الشعر وزادني جنون
كليم الحسين بشعري ودمعتي
حبيبي حســــــين كلام العيون



ماكو بيني وبين مولاي الحسين حاجز لا فواصل لا مسافه لا بعد
والدليل آنه بالنجف زاير حسين يعني روحي الكربله اتروح واترد
وبعتقادي كنت بالحضره اطوف والعطر بيه من ذاك اليرش ماي الورد
وهذا شاهد آني لآزم شباك الحسين وتدفع الزوار بيه وما ارد




وآنه ارضع بالمهد رضعوني من حـــــــــــــــبك هلي
ويزيدني حبك فخر وهمي بأســـــــــــــــــــمك ينجلي
جعفري الحد كطع النفس وحــــــــبك يظل مذهب الي
ما يوم اصيرن مالكــ... ولا شافـــــ... ولا حنبــــ.. ي
ولو كانت الجنه العمـــــ... وبالـــــــــنار كالولي علي
أكفر أبجنة عمـــ... وأدخــــلك النارك يااميري ياعلي


اليطيح أعله الارض من الجواد يمدها الايده حتى تساند طيحته
لكن العباس طاح ابلا كفوف الارض صارت كف اله واتلكته
والجنان اختارته قمر ما يطفي دوم الدنيه واخره تتباهه ابطلته
وصار مشعل للأناره بكل مكان وينشحن قرص الشمس من قبته
هو شباك وعليه هيج أزدهام اشلون لو شفناه ابكامل جثته



ان شاء الله عجبتكم بدايتي الشعريه