ما أتحمل غيبتك عني ثواني
لوتغيب شوي توحشني كثير
انتي بسمة دنيتي وانتي الاماني
يعلم الله صرت انا لحبك اسير
على شانك بكتب اشعار واغاني
مايهم لو كان كل شعري كسير
بس اعبر عن مدى شوقي وحناني
واوصفك باحلى الوصايف ياامير
انتي شوفتك عندي لها طعم ثاني
اخاف اني اوصفه ويخونني التعبير
انتي حلي وحلالي وخوفي واماني
ومااتنازل عنك لو يصير اللي يصير
انا لما اشوفك يتدهور كياني
ولما تغيب عني احس اني ضرير
ياشمعه دنيتي وفرحتي وأحزاني
بوجودك يمي تهل علي التباشير
ما ابيعك ابد يالكحيل الاسمراني
ودعوتي دايم ياعساك انت بخير
انتي النعمه الوحيدة اللي في زماني
اشكر الخالق الباري السميع البصير