اه تنعى يا أمير المؤمنين
آه واويلآه صرخــــــــة بالنحيب
ثورة الاحزان تنـــــــعه يا حبيب
انصيح باسمك يا كمرنه لا تغيب
من تغيب اتموت امال السنين
على الدنيه العفه بعدك يا علي
همنه بعدك والهــظم ما ينجلي
وصرخة الاعــــبار بينه تعتلي
وين ننطي الوجه بعدك علي وين
ليلة بالاكدار واعـــــــظم فاجعه
هل اتى تنعه وتواســـي الواقعه
وسورة الاخلاص صارت دامعه
المثاني السبعه تنعه ياء سين
يا علي امصابك مصيبه للمصاب
والعذاب اينوح من جــمر العذاب
بعدك الامال متغوصه ابـــــسراب
والحنين ايــــــنوح فاكد للحنين
طاح ركن الــــــدين واركان الهدى
انطمست ابطـــــــيحته اعلام التقى
انصاب حيدر علي روح المصطفى
وناح لمصابه عرش الله المعين
اشلون صرخة تفجع الحال وتصيح
هام حيدر بالدمه اصـــــــــبح سبيح
ابسيف ابن ملجم صبح هامه جريح
خله دين الله وعياله اميتمين
علي يا سيف الجـــــــليل وحجته
وانت روح الهادي مهجة دعوته
ابطبرتك انصــــــاب دينه وسنته
ومثل دمك سال دمع المرسلين
ناح الك قلبي ونصب مجلس عزاء
تلطم النوحـــــــــــه شرايين الدماء
وروحي هاجت يا علي ابون وبكاء
والحزن بحزانه يصرخ بالانين
وعيني اكثر يا علي أغزاها العمه
وحشه تصرخ والـــنواظر مظلمه
من بعد عينك يحمـــــــــاي الحمه
اتصيح وين انطي الوجه بعدك لوين
مسجد الكوفه ينوح الطـــيحتك
يصرخ ابدمعه ويواسي شيعتك
فكد محرابك ركوعك ســــجدتك
والديانه اتريد عزها يا امين
مكه حزنت والمدينه وكل بلاد
اعلنت اهات واحــــزان وحداد
ولبست الكوفه حزنها والسواد
وتلطم الفكده بلاد المسلمين
هذا حيدرعلي لو طه الرســــــول
دمه يجري فوك محرابه ســـــيول
احتارت الاوصاف شتوصف تكول
انهدم دار التقى والحصن الحصين
كل شهر رمــــــــــضان ينعه ليلته
فكد شهر الله عزة وهـــــــــــــيبته
عيدي بالاحزان تصبح فـــــــطرته
وي عيالك ياعلي عيدي حزين
آدم ونوح ابدمـــــــــــــوع المؤلمه
ويـ خلـــــــــــيل الله كليم الله ارتمه
صدوا المـــــــــــريم تـعزي لفاطمه
أبمأتم العذراء تنعى الحور عين
الملائك والرسل كلــــــــها تصيح
تصد هامة علي بحضان المسيح
يون لمصابه وعلـــى نحر الذبيح
يا علي ينعه ويون اه يا حسين
يا حسين انصيح بدمــوع الصبر
انغوص بالااهات نسحك عالجمر
للفرج يمته نشـــــــــوف المنتظر
واحنه انصاره ابمساره سائرين
ونسالكم الدعاء
كليم الحسين بسام الشمري