دين الله قصدهم موعلي الجان
السلام عليكم:
بين يديكم قصيدة اخرى من كتاباتي المتواضعة بحق امير المؤمنين(ع)..اتمنى ان تنال اعجابكم.
أبد ماطاح دمك والنكر غلطان*وجذب من كال طحت بسيف عدوانك
يقرآن العدالة وكلك أيمان*شيكدرولك وانتة العدل بأيمانك
صابوا هامك ولان انتة قرآن*يرتل بيك صار وينعة قرآنك
وانتة الماطحت ضليت عالي الشان*والعادوك ابد ماوصلوا الشانك
مودمك نزل من ضربة العدوان*آيات الوحي الكلمت وجدانك
نزلت من جبينك ياولي الرحمان*تبين صبرك وكل عفة بحسانك
دين الله قصدهم موعلي الجان*رادوا ينمحي ومايبقة عنوانك
بس دينك بقة وضليت الة العنوان*ووضح للناس يابالحسن برهانك
القيادة تلوك الك ياداحي البيبان*وعليت وعالي ضل بتاعزم سلطانك
أمام انتة صرت عالانس والجان*والخالف طريقك خاسر اجنانك
علي وكلمن يضدك بالحشر خسران*والوالاك ابد متلوحة نيرانك
ونشوف الجنة باجر بيهة بيبان*ومفتاحك بديك وهاية بيبانك
جفينك يحيدر مثل ميزان*وكفة شيعتك ترجح بميزانك
|