مابي سوى شي واحد منك يالغالي
أرسل رساله وطمنّي عن أحوالك
ماتدري إنّي أضيق وينشغل بالي
لا غبت عنّي زمن أو غاب مرسالك
من كثر ما اشوف طيفك دايم قبالي
من كثر ماني أحبك وأعشق وصالك:
ما عاد باقي رساله وسط جوالي
إلا هي الحين موجوده في جوالك
أشتاق لك وانت ما تشتاق لوصالي
عاجبك يعني يموت الحب بإهمالك
جرّب ولو يوم واسألني عن أحوالي
حتّى ولو كنت أنا ماجيت في بالك
شف كيف بفرح وأبقهر كل عذّالي
شف كيف يحيي سؤالك عاشقٍ هالك
يا كثر ما شلت هم غيابك لحالي
شل هم خفّاق شال همومك وشالك
قلبي من العام لا داله ولا سالي
صبحه أبد ما فرق عن ليله لحالك
معقول مالي مكان فقلبك الخالي
والنوم يحرم لعيني وأنت يهنى لك؟
وأنا اللي أذكرك في حلّي وترحالي
وأنا اللي أشعل شموعي وأتحرّى لك
ولا عاد باقي رساله وسط جوّالي
إلا هي الحين موجوده في جوّالك