ياصاحبي بالله قدر شعوري
حس بشعور اللي يراعي شعورك
إن شفتني كاتب تقبل مروري
على الأقل أكتب قبلنا مرورك
إن رديت طبعا من دواعي سروري
لأنك تنور من تمره بنورك
شفني قبل ماكنت أسجل حضوري
زاير وأراقب طلتك في حضورك
وأصبح حضوري اليوم أمرٍ ضروري
واجب أسجلك مروري بسطورك
محدٍ قدر قبلك يحطم غروري
الا بعد عانق غروري غرورك
وإن غبت عني عذرك بليز / سوري
حدتني ظروفي ولا أقدر أزورك
وأقولك كلٍ لاغاب معذوري
إلا أنت دوري يغيب لوغاب دورك
خذها نصيحه وطيع رايي وشوري
ارجع ونور دنيتي في حضورك
وإن جيت سجل لي تقبل مروري
وأنا بدون شعور ابقبل مرورك