ما ننسـاك ســــيد محمد
ظل ذكراك والحب يشهد
اسمك صار مرجعنه غالي ابدمنه وقعنه
ما ننساك سيد محمد
الغالي معروفه اثــــــــمانه بالدم ينشره الغالي
مو تعبير وفكرة شاعر اختاريناك احنه الوالي
ابن حسين انته وعنوانه ونجك ابنهجه ايلآلي
لقبناك احسين العصر خل تفـــــــهم كل عذالي
نهج حســــين عايش بينه
امن الصدرين يوصـل لينه
ثوري وصدري عنواني وحب احسين ايماني
ما ننساك سيد محمد
يا حجة المهدي اعلينه اســــمك مشعل بيد الناس
هزيت الطاغي واعوانه ابعزمك ما طخيت الراس
مرجعنه وهيبة وقائدنه ابمــــعنى الزعامه تنقاس
مثلناك ابهذا العصر حسين انـــــته واحنه العباس
للجمـــعات احيـيت انته
وبالثورات اسمك شفته
عاشك عابس احسيني هالمبدأ صبح ديني
ما ننساك سيد محمد
يا محيي الجمعه بالكوفه من بــــعد الوصي الكرار
المختار انته ابعصرك صرت والثأره أتنادي بالثار
كفك للذله ما صافح والعصه البـــــــــــــيدك تذكار
بيها وأبــــــــــــــــــكلا للظالم دمرت الشر والكفار
يا مهيـــوب صوتـك ثوره
ظل مرعوب عبره وعبره
والكوفه الك تشهد منها العزه تتجسد
ما ننساك سيد محمد
يمحمد صادق والجمعه تشهدلك يا ابو مؤمل
فرعون الطاغي اتحـديته ابذله شعبك ما تقبل
والظالم حين الي اغتالك ذليته ويـ حزبه أنذل
ابيض كفن فوك الكفن ثوب الشـــــهاده فصّل
لا مـــا راح سـيد محمد
ظل مصباح ذكره أتجدد
يا مظلوم عايش حي للانظار حبك ظي
ما ننساك سيد محمد
وهاليله الكوفه واحبابك لمــــــــصابك تنعه واتنوح
من جرحك تنبع أحزاني جرحك بجـــروحي مجروح
ألالام الاهات ابلوعه فجعت كل خاطـــــــــر كل روح
ننسه الروح ولا ما ننسه مصابك يلـ عايش ميروح
ظل عنوان يوم الجمعه
والاحــزان تذرف دمعه
ولبنك مقتدى انعاهد القائد صار يالقائد
ما ننساك سيد محمد
كليم الحسين ملا بسام الشمري
ونسالكم الدعاء
والفاتحه
لروح شهيدالله السيد محمد محمد صادق الصدر ونجليه