[مؤسسة كليم الحسين الفاطمية]

رساله الى السيدة زينب روحي فداها




سلامي من قلب عاشق لبو اليمه
الى الحوراء زينب عمة العصمه
سلامي اترسله دمعاتي
وتشـــــــاركها تحياتي
الى الحوراء زينب عمة العصمه






سلامي الليلة أبعثه ابموجة العبره
يعين الله قلبـــــــــــها زينب الكبره
تصد لحسين اخوها أمـوسد الغبره
ذبيح اعله الترب والـــجثه متوذره
ســـلامي اترسله اهاتي
سلامي الماضي والآتي
الى الحوراء زينب عمة العصمه





سلام الله على احســيني وصحابه
وعلى نحره وجروحه ودم خظابه
وعلى العبــــاس وانصاره وعذابه
وعلى الاكـــــــــبر وجسّام وشبابه
سلامـي من قلب حزنان
على الراية وكمر عدنان
الى الحوراء زينب عمة العصمه





سلامي من قلــــــــب ما سكن نوحه
على حسين الحبيـــــب وكل جروحه
وسلامي للرضـــيع ادمومه مسفوحه
رضيع وبالمــــــــهد مفجوعه روحه
سلامي الأمه والرمله
وليله الــــ بلحزن تعله
الى الحوراء زينب عمة العصمه





بمواج الحزن ناح وحـــــــزن حزني
على سكنه ورقـيه ما هـــــجع حني
سلامي الهن أخــــــــذ يا ريح مني
وعلى أم كلثوم ما هاد وهجع وني
والمـــسلم جره دمعي
المصابه ونتي وانعي
الى الحوراء زينب عمة العصمه





على السجاد اون وابـــعث سلامي
امامي اينوح على ذبـــــحة امامي
على علته انكــــــسر حيلي وقيامي
يصد لحسين ذبــــيح وجسمه دامي
على اقيوده انوحن
وبــــحزانه اغوصن
الى الحوراء زينب عمة العصمه





سلام الله على جون وحبيب ابن مظاهر
وعلى الحـــــــــــــر وزهير الذل عساكر
والى العابــــــــــس سلامي وكل مناصر
والى كلمن فده احــــــــــــــسين الفواكر
سلامي من قلب مصيوب
وابحب الحــــسين ايذوب
الى الحوراء زينب عمة العصمه





ونسالكم الدعاء

كليم الحسين ملا بسام الشمري