[عـازف الآهـات]

كل مابغيت اكتب لي ابيات وانساك
اسج مني واذكرك لا كتبتك
الحب خلاني كذا وانت خلاك
اكبر جريمة في الخفوق ارتكبتك
تعبت اشوفك في منامي ولا اصحاك
وتغيب في صحوي وانا ما قربتك
لو فيه دربٍ ياصلك جيتك اسعاك
ولو تنفع الطلبات جيت وطلبتك
يامضمي احساسي من الهجر برواك
الى متى صابر وانا ماشربتك
اقول في نفسي وانا جالس هناك
مدري خسرتك ولا انا ما كسبتك
او انت تهواني مثل ماني اهواك
او كنت لي بس اختبار ورسبتك
لو كان يم الوصل تشعب مطاياك
يمدي على درب المواصل صحبتك
لكن ياخوفي غير الوقت ممشاك
وان شفتني عقب البطى ما عجبتك
عطني امل واحد او اكشف نواياك
خلك معي صادق وانا ماكذبتك
تكفي جروح الوقت قلبٍ تمناك
ويكفيك من عمر الشقا ما وهبتك
الوقت منا وانت والجرح مناك
وانا في نصك ياطريقي تعبتك
امشيك حافي وانت مزروع باشواك
وعجزت احاول واجتهد ماهربتك
وعجزت احاول اكتب ابيات وانساك
واسج مني واذكرك لاكتبك