[دفئ القلوب]

أعترف لك قبل اعرفك عايشه ليلي ظلام
واعترف لك عن قناعه انك انت دنيتي

واعترف لك بالصراحه واصله حد الهيام
تسبق حروف القوافي لا ذكرتك ونتي

واعترف اني أحبك من هنا لمليون عام
واعترف أني ما اخونك والله يعلم نيتي

واعترف لامر صوتك مسمعي حالي عدام
واعترف لاغبت عني كيف تكسر همتي

ودي اعانق هاجس الشوق وياك
واترجم احساس الغلا يوم الاقيك

اسرح على شوفك وطيفك ورجواك
واعيش حبك واصدق البوح ينبيك

ارسم وصالك شوق واكتبك واقراك
واهديك من بوح القصايد معانيك

لاغبت عني يسكن البال ذكراك
من اولك بالحب لاخر أمانيك

يا كل مالي : صرت انا كل دنياك
والشوق يستوطن ضلوعي بطاريك

خلك على عهد الوفا لا عدمناك
وانا على عهد المحبه اناجيك

وحلفت انا ما انساك.ما انساك.ماانساك.
ولا تخيب في كل الليالي هقاويك

ياللي بعيوني وين ما رحت ابلقاك
وشلون ابنسى ما مضى من لياليك

كل ما كتبتك زاد شوقي بذكراك
يالحاضر اللي ما تناسيت ماضيك

ياحلمي اللي كل ما جيت اباسلاك
أصدق حروفي بالوفا تفتحر فيك

اعترف لك .. ياحبيبي.. بالمحبه والغرام
دامها هذي الحقيقه ليه أحط بذمتي ؟

اعترف لك قبل اعرفك كنت اشوفك في المنام
آصل اعماق المعاني حتى تاصل كلمتي

اعترف لك قبل اشوفك شفتك بوجه الأنام
في وجيه الناس شفتك يا رجاي ومنيتي

انت كل شي بحياتي .. انت شفي والمرام
انت ناري في غيابك وانت قربك جنتي