[عـازف الآهـات]

ياخي ضحايا هالتطور .. كثيرين
........................ // والعم ( نور الدين ) آخر ضحيّه
:
:

عشرين عام ونور ماشي على الدين
........................ // مافي موظف ( بالعليان ) .. زيّه
:
:

خلوق ، وحبيّب ، وطيب ومسكين
......................... // ودايم على نفسه يبدي .. خويّه
:
:

يمشي حسب ممشى العمل والقوانين
......................... // ويؤدّي الواجب .. بنفسٍ رضيه
:
:

ربه بلاه .. وجاب له مدري منين
............................... // بلية ٍ .. ياكبرها .. من بليّه
:
:

بدّل ( رهيب 2000 ) بالفارس ( 2000 )
.......................... // ويا من شرى له من حلاله .. أذيّه
:
:
ركّب من النغمات .. ( ياليل يا عين )
................. // ( وعالهودَ لك .. يابه .. وعالهودَ ليَّه )
:
:

وكل مااتصل به شخص طنّش له شوين
..................... // يعني اسمعـوا .. نغمة جهازي قويّه
:
:

حـتّى / دخل مديرنا بخاطرٍ شين
....................... // منهو جهازه ؟؟ جاوب ( الزول ) ليّه
:
:
قال اقفله .. لا اكسره فوقك الحين
............................ // كـبّر له الـموضوع .. واصبــح قضـيّه
:
:

كتب تعهد وانخصم منه يومين
........................... // من دون أدنى .. ذنب والا خطـيه
:
:

ضحكت في نفسي وانا اقول ياشين
.............................. // ماقلت لك يازول .. خذ ( فيصليه )