07-31-2010, 03:00 PM
|
|
عضو مميز
|
|
تاريخ التسجيل: Apr 2010
الدولة: حـيث هـي تـكـوـون !!!
العمر: 35
المشاركات: 3,596
معدل تقييم المستوى: 19
|
|
وين انت يا حمدان امـك تناديــك
وراك ما تسمـع شكـــايـا وندايـا
يا مسندي قلبي على الدوم يطريـك
ما غبت عن عيني وطيفك سمايـا
هذي ثلاث سنين والعيـن تبكــــيـك
ما شفت زولك زايرٍ يـا ضــــــنايـا
تذكر حياتي يوم اشيلك واداريــــك
والاعبـك دايـم وتمشـــــــي ورايـا
ترقد على صوتي وحضني يدفيــك
ما غيرك احدٍ ساكن فـي حشــايـا
واليا مرضت اسهر بقربك واداريــك
ما ذوق طعم النوم صبح ومســـايـا
ياما عطيتك من حناني وبعطيك
تكــبر وتكــبر بالامل يا مـنايا
لكن خساره بعتني اليـوم وشفيـك
واخلصت للزوجه وانا لـي شــــقايـا
انا ادري انها قاسيـه مـا تخليــــك
قالت عجوزك مـا ابيهـا معـــــايــا
خليتني وسط المصحه وانا ارجيــك
هذا جزى المعروف وهـذا جــــــزايـا
يا ليتنـي خدامـة بيـن اياديــــــــك
من شان اشوفك كل يوم برضــايـا
مشكور يا ولدي وتشكر مساعيـك
وادعـي لـك الله دايـم بالهـــــدايـا
حمدان يا حمدان امـك توصيــــــــك
اخاف ما تلحق تشوف الوصــــايـا
أوصيت دكتور المصحة بيعطيك
رسالتي وحروفها من بكايا
وان مت لا تبخل علـي بدعاويــــك
واطلب لي الغفران وهـذا رجــــايـا
وأمطر ترااب القبر بدموع عينيك
ما عاد ينفعك الندم والنعايا
|