محتاج لك .. والحاجه اُم الإختِراع
محتاج لك .. والإختِراع اغلى : وطن
جيتك من المنفى وادور فيك / قاع
شاعر .. وفي صدره من الخيبات : طن
شفني ( آرش الصمت ) .. واتنفس ضياع
ياما تعبت آملا تشاعيبي ... حزن
ياصاحبي والليل نجماته : جياع
مامرها صُبحك معه ( كِسرة شجن )
مليت آذر الشوق .. وآسقيه إلتياع
غصني يبّس ، وانا على رجوى مزن
في غيبتك شوفه غدى ( حزني ) ذراع
تستعذب إخناقي .. وانا ياكود : ائن
صُب الوصل ، وإروي مساماتي شعاع
هز الجفا ، زعزع مِن أركانه : رُكن
شمعي بكى .. ظله غفا .. والضي ماع
شآخ السهر ، والنوم ماضفه جفن
هاتك معك .. صُبك في كاسي بـ / إندِفاع
بتغرغرك ، وآحيي جسد بعدك وهن
إلحق علي .. ورتبني قدر المُستطاع
جب لي صبر ، آو خلني للـ ( آه ) آكن
الموت لو ابحرت وبليا : شراع
وارسي ولا القاك .. واتصبب غُبن
محتاج لك .. والحاجه اُم الإختِراع
لاقلت ( آنا محتاج لك ) .. لِله حن
ويقول لكم بعد
محتاج(هـ) لك .. والحاجة أم الاختراع
ياللي تسافر كل ما .. إحتجت لك
ماقلت لك إني مـ أتحمل وداع
وداع ما أتحمله .. ما قلت لك ؟
الطير بين الغيم واطراف الشراع
والموج .. والورد الندي اللي جبت لك
كل حاجة تردد وراي بـ إنصياع
اشتقت لك .. اشتقت لك .. اشتقت لك
ياللي حضورك قوت .. وعيوني جياع
تبي الصراحه ؟ .. كل أبوني جعتِ لك
ضي .. وعليها ..آع ... تعطينا ضياع
وانا انطفى ضيّي كذا .. من ضعتِ لكـ
اشعلت لك قلبي من اللهفه .. وماع
ليته مَ ماع ..وليتني ..مَـ اشعلتِ لكـ
في وقت صار الكل .. لبّيسة قناع
مع إني جدًا واضحة .. وضّحتِ لكـ
ان المطر ينزل عشان .. الإرتفآع
واني على شان ارتفع .. نزلتِ لكـ
وان ضيقتي لابد معها .. اتساع
وان اتساعي يْزيد .. كلْ ماضقتِ لكـ
كلْ ما افوق ..يموت في عيني .. شجاع
وكلْ ما اموت شوي قمت .. و فقتِ لكـ
امتع خطايا حبي ..لك .. الاندفاع
واخطى مُتَع حبك .. ليا فضفتِ لكـ
رددت لك .. سافر وضيعني وضاع
وانا اختنق بشويش .. لا رددتِ لكـ
ياللي ذبل تشرين .. من قلت : الوداع
لا تْقول بعـــدين : انْ انا ما قلتِ لكـ
إما لجِل اوصَلْك .. بَعْمَل اختراع
والا لا عاد تسافر.. اذا احتجتِ لكـ