[مؤسسة كليم الحسين الفاطمية]

أشوف أشموس مكسوفه وأصــــد لقمار مخسوفه
أشوف الكون عالغـــبره وكع دامي
يون لحسين ابو اليمه أنذبح ظامي
وأصد لقمار مخسوفه





شفت منظر يحز ونه وعلــيه الروح حيرانه
رسم أقمار مذبوحه أبعفير أدمـــــاها غركانه
تصد أشموس مطروحه حجبها الآه وأعوانه
أصد للكون أشــــــوفنه صريع أيغازل أحزانه
وأشوف أنجوم عالغبره ذبيحه أبدمها متعفره
وعليها أحزاني مــتحزنه اويالآمي
يون لحسين ابو اليمه أنذبح ظامي
وأصد لقمار مخسوفه








حزينه الدنيه والبيها تنوح السرها بالعبره
وينوح الـكون وأسراره ذبيح أمعفر أبسره
بذره وبيــــها دين الله ثورة ترتوي أبنحره
وكع لا ما وكع تـــنظر ساجد يغرس البذره
عجيبه قصة ايامه تشيب أكلوب الالامه
على يومه يون يومي بحزن حامي
يون لحسين ابو اليمه أنذبح ظامي
وأصد لقمار مخسوفه









كصدت المصرعه وانظر نجوم اتقبل اترابه
نجمه اتقبله ابصدره ونجمه اتـنوح لصوابه
نجمه اتنوح عالمصرع اه يحسين وامصابه
نجمه اتغسل ابدمه ونـــــجمه اتصبر احبابه
عليها ضاكت الوسعه وليها جثته امكطعه
عليها العبره متعبره ابحزن سامي
يون لحسين ابو اليمه أنذبح ظامي
وأصد لقمار مخسوفه






جذبني الكون عالغبره جذبني المـنظر القدسي
شفت كل آيه بطفــــــــــوفه تعزي آية الكرسي
على امصايب ابو الاكبر حزين الــعالم ونفسي
انام واصحه بمصابه مصابه حاضري وأمسي
ارتل بالحزن سوره بدليلي احزانه محفوره
وتظل أحزاني محزونه على أسلآمي
يون لحسين ابواليمه أنــــذبح ظامي
وأصد لقمار مخسوفه










يهالعاشك لبو اليمه اريد اتوسمه صدرك
المصاب احسين وايامه البيها يرتفع قدرك
ولون رايد ابو الاكبر دنية واخره ايحضرك
يريدك تفني للمعبود حياتك مالك وعمرك
يمن رايد شفاعة اتنول تطيع الباري والمرسول
ويظل شوكك لبو اليمه بحر ظامي
يون لحسين ابو اليمه أنذبح ظامي
وأصد لقمار مخسوفه





عهد بأسمك يبو اليمه كتــــبته أبعبرتي وأنعه
روحي وعمري وأمالي أبجاري الدمه اموقعه
يظل قلبي الك مأتم وعـــــــليك أمرافك الدمعه
وتظل أحزاني حزنانه حزينة المـهجة البضعه
على احزانك يبو اليمه الك جسمي لطم دمه
والك رادوده دلالــــــــي يــ الهامي
يون لحسين ابو اليمه أنذبح ظامي
وأصد لقمار مخسوفه





كلمات
كليم الحسين ملا بسام الشمري



مع تحيات

كادر

مؤسسة كليم الحسين الفاطمية