[فدوك...]

يا عباس




يبو الغيرة الاصيله ما طحت عالكاع
ماشايف كمر والكاع شايلته

لو ما غيرتك منهه تهاب ِاسباع
جا ما زينب الحره تجي ابخته

بالطف ترجمت قصة عشك بوداع
روحك لبو اليمه اشلون عاشكته

كلام المرتضى وياك ابد ما ضاع
جان احسين بيدك مو علم شلته

ولهذا ابيوم الطحت طاح ابساع
صاح انكسر ظهري وصعبه سالفته

السهم باسك ابعينك ما اجه فزاع
مو قصده يصيبك دولباه وَكته

اجه يغفى بعيونك جي لكاهه اوساع
ما حب يبقى بيد الجان شايلته

الغيرة بالنفس ما تنشرى إوتنباع
وأنتَ غيرتك ياباَ الفضل فَلته

يل جَفك بحر واحتظن كل اشراع
ياباب الجَوائج وِالكَرم اَنته

شنهي الماي لو ردته يجيك ابساع
بس عطشان جان ورحت شَربته


بقلم
حسين الساعدي


منقووول لروعة الشعر