قصائد خالده
قصائد خالده
قصائد خالده وقلــــــــبي نحيبة
الحبيب ايون على فركة حــبيبة
امنين أبدي واكـــولن يا مصيبة
من عبدالله الرضا تبدي الغريبة
زينب يا غريبة الله أشمصيبة
مذبوح أخوج حسين وحركوها الصيواين
والجثه سليبة الله اشمصيبة
وبعد لوعه وأعليها الحزن مرهون
من صغري أعشكها والقلب مجنون
مو دمعي وكع الها تطـــــيح اعيون
من حمزه الصغير مــن آنه الميمون
آنه يالميمون بيدي جدمتك وأنـــــــــــخمش قلبي
من رحت بحسين بالله ودعتك والبـــــاري حسبي
وبقت روحي اتحوم وانتظر جيتك واعيوني تربي
جيتني خالي احسين جا وينه
راح امندينة
وبعد عندي قصيدة وبيها عنواني
ملاحم كربله وأحسين أحـــــزاني
من خادم محمد بيها أيمـــــــــاني
من كل كطره دم تسري ابشرياني
كل كطره دم أبشرياني تهتف بأســــــــــمك يا حسين
روحي اشلون اتظل بجسمي امنذكر جسمك يا حسين
دمي مو اغلى من دمك جسمي مو اغلى من جسمك
وبعد عندي قصيدة والـــقلب يفداه
مشاعر صادقة من المـــحب مبداه
ابد والله يا زهراء ما ننسا حسيناه
مبداه واحد وهاك اســــــتمع معناه
موقفنه اتعرف معناه أسمع يالـ تناشدنه
دنيا واخره والله غير احـــسين ما عدنه
وبعد عدنه الأميره أتهز مشاعرنا
عليها امن الصغر عاشت شعائرنا
وصارت صرخة الحق ابمــــنابرنا
من ياسين يحسين أبظـــــــــمايرنا
يحسين ابظمايرنا صحنه بيك امنه
لا صيحة عواطف هاي لا دعوة ومجرد رأي
هذه من مبادئنه صحنه بيك امنه
وبعد عندي قصيدة ابدمعه سـجابة
فرض وابكل عزه تسمــعها احبابه
القصيدة دار هذا وصــــارت اكبابه
تنعه ابصوت آ يحــــسين وأمصابه
آ يحسين وامصابه لجله العين سجابه
وبعد عندي قصيده ابدم تهل عيني
فديت الها حياتي ومجـــمل أسنيني
عليها النوح هاج ومـــا هدا أونيني
شباب اينادي امه يمــــــــه أذكريني
يمه أذكريني مـــــــــن تمر زفة شباب
أمن العرس محروم حنتي دم الخضاب
شمعة شبابي من يطفيها
حنتي دمي والكفن ذاري الـــــــــتراب
يمه أذكريني
وبعد عدنه قصيدة تفــــجع الديره
لون اسمعها فكري ايخون تعبيره
تنحب للأخوه وهذا تفــــــــــسيره
تون تفجع يزيـــنب راح ابو الغيره
يزينب راح ابو الغيره اجيتج طايح ابحيره
يا خوية تلكيني ظهري أنكسر عينيني
يزينب راح ابو الغيره
وبعد عدنه قصيدة الدمــــعه هلوها
قصيدة اتهيج العبره تســـــمعهوها
قصيدة ابليلة الوحشه تـــــــعرفوها
تنادي اتصيح الخيم يحسين حروها
الخيم يحسين حركوها وأنه هود عليه الليل
راسك راح للكوفه وجـسمك رضضنه الخيل
كلمات
كليم الحسين
ملا بسام الشمري
1432
التعديل الأخير تم بواسطة مؤسسة كليم الحسين الفاطمية ; 12-12-2011 الساعة 08:06 PM
|