[دفئ القلوب]

زينب وي واليها *** تسولف عن مآسيها
************************************
نســـيتي ما اظن وعـدج ** رقيه شلون عفتيها
رجعتي يشلون ولوحدج ** رقيه شلون عفتيها
دمعتــــــج خضبت خدج ** رقيه شلون عفتيها
انشــــــدج وانتظر ردج ** رقيه شلون عفتيها

رقيه شلون عفتيها *** تسولف عن مآسيها
*************************************
اخـــــــافن يلجمك ردي ** صعب ما بيه احجيها
مجبوره ارجعت وحدي ** صعب ما بيه احجيها
رقــــيه بگلبي وبجبدي ** صعب ما بيه احجيها
لچن دار الوكت ضــدي ** صعب ما بيه احجيها

صعب ما بيه احجيها *** تسولف عن مآسيها
***************************************
سكوتچ مو كسر ظهري ** أحجيلي شجرى عليها
على ربي تـــركت امري ** أحجيلي شجرى عليها
أحبها وســاكنه بصدري ** أحجيلي شجرى عليها
يزينب يا بعــــــد عمري ** أحجيلي شجرى عليها

أحجيلي شجرى عليها *** تسولف عن مآسيها
****************************************


ازيـــــــــدن خايفه بنوحك ** على راسك بواچيها
وضيف جروحك لجروحك ** على راسك بواچيها
أبد ما فـــــــــاركت روحك ** على راسك بواچيها
قـــــــــدر مكتوب وبلوحك ** على راسك بواچيها

على راسك بوا𢍭چيها *** تسولف عن مآسيها
*****************************************
وفيتي وللعــهد صنتي ** نار ضلوعي طفيها
رقـيه بدمعــتي وونتي ** نار ضلوعي طفيها
أفز من موتي يا أختي ** نار ضلوعي طفيها
ادور عــــن وجه بنتي ** نار ضلوعي طفيها

نار ضلوعي طفيها *** تسولف عن مآسيها
******************************************
قسم يحســــــــين وياها ** اموت هناك تاليها
وحگ جدي النبي طاها ** امـوت هناك وياها
چذب ما يــــــوم أنساها ** أمـوت هناك وياها
أرد للشــــــــام والگاها ** أموت هــناك وياها

أموت هــناك وياها *** تسولف عن مآسيها