[مجنونة الشوق...]

لاتلوموني لالاتلوموني جنني حب احسين لالاتلوموني
ماتمنعوني لاماتمنعوني لمحبتي لحسين لاماتمنعوني

يأهل الالباب متحاسب احساب نمشي بدروب الشوق وندق لبواب
دلالي وانصاب وبهالعشق ذاب مجنون أنا بحسين وقليبي ماطاب
لاتنشدوني لا لاتنشدوني راواني حبه البين لا لاتلوموني

مثل السهارى انطر اشارةدليني نجم الليل درب الزيارة
عاشق توارى بليله ونهاره وبقلبه خط الشوق للحب عبارة
ماتعرفوني لا ماتعرفوني صابر بقا لي اسنين لا لاتلوموني

سووا اللي تريدون ماظن تقدرون وتغيرون اطباع عاشق ومجنون
من قاعي مفتون يامن تلومون منهو اللي شاف ارموش وتعوف لعيون
لو تخيروني لو لو تخيروني ماعوف انا هالزين لو تخيروني

محبوبي اهواه ما اقدر انساه صعبه تعيش الروح لحظة بلياه
من قل هو الله يستوحي معناه والخالق القيوم من لطفه سواه

يالتشوفوني يالتشوفوني صار القلب نصين لا لا تلوموني

سمعوني ياناس دلالي حساس هايم انا او ولهان من جدمي للراس
وبقلبي جم كاس يتفايض احساس يتروى بسم احسين وينادي عباس
لو تشوفوني لو لو تشوفوني هايم انا باثنين لا لاتلوموني