يالحسن بيك
يالحسن بيك هايم يظل دلالي
وصار بهواك طور الحزن موالي
يا مظلوم .. يا مظلوم .. يا مظلوم هايم يظل دلالي
--------
أنته قبرك وردة محتاجة نده صارت أدموعي نده ألهذا الورد
جبدك المسموم أخذ عمري فده هاك أخذها أعيوني سويها جبد
مثل الخيال حبك صبح يبرا لي حتى بالطيف عالحضرة تتراوى لي
يا مظلوم .. يا مظلوم .. يا مظلوم هايم يظل دلالي
* * *
أنته يبجي ألحضرتك حتى المسيح وأنته حتى أعداك تدري أبهيبتك
أنته لو موجودة لك قبة أوضريح يمكن الحج كله صار أبحضرتك
هاجس الشوق يا لحظة يرحم حالي قلبي بهواك أعذب لحن غنا لي
يا مظلوم .. يا مظلوم .. يا مظلوم هايم يظل دلالي
* * *
يا غريب ألما حصل مثله غريب أنته حتى العيد يبجي أبمولدك
حيدر أيعايد يجي لأول حبيب يعني حتى الكعبة هيه أتعايدك
كلك إعجاب يا مهجتي وآمالي عاشق أوصار غيرك ولا يحلا لي
يا مظلوم .. يا مظلوم .. يا مظلوم هايم يظل دلالي
* * *
أرد أطير آويه النسيم وأعتنيك شايل أبقد السمه أشواق اوعذاب
هايمه أبقد رحمة الله روحي بيك من ذكرك يستعد حتى التراب
دمعي مفضوح فوق الجفون أيلالي يصرخ أهواك نبض القلب يا غالي
يا مظلوم ,, يا مظلوم .. يا مظلوم هايم يظل درلي
* * *