[مجنونة الشوق...]

غير ألحيدر

لا لا ما يرهم والله غير ألحيدر والتاج الخالق سواه ألقالع خيبر

يا رب أنصر من والاه وأخذل كل حاقد عاداه

كرار أوضربة يمناه ما تتكرر

......




هذا التاج ألـ بأسمه أتنزل يا فارس يحمل أخطاره

غير المختار أشتتوقع يا مرسل فسّر أسراره

مو حيدر للتاج أتخير لكن هوه التاج أختاره

يا تاج أليتحمل يرفض جف الكرار أوفقاره

إنس او جان الكل تهواه والحور أتغنت بهواه

سبحان الرب ألـ خلاه هذا المنظر

لا لا ما يرهم والله غير ألحيدر

* * *

كل جدران الكعبة أبتسمت من أشرق ميلاده الطاهر

أصبح مشغول أبحب حيدر هايم حتى الطير الطاير

كل طيور العالم ترحل وتهاجر مكسورة خاطر

لكن بس طيور الحضرة ما قدرت من حبه أتهاجر

ما خاب ألعاش أبذكراه بالمحشر يحضر وياه

والوافي أشقد للوالاه ما تتصور

لا لا ما يرهم والله غير ألحيدر

* * *




تضحك شمس الله ألجف حيدر من كبر نزلت ملهوفة

وألوان الطيف أبهالموقف نزلت من حيدر مخطوفة

وأملاك العالم تتحول طير أوبيه تهتف وأتطوفه

من حضن الجنة المختار أتعانى لهالإعجاز أيشوفه

هذا الموقف ما أحلاه عين الله أتحرسه أوترعاه

وبركان الرحمة من أشفاه صلّى أوكبّر

لا لا ما يرهم والله غير ألحيدر

* * *




حبك يا حيدر من نعشق نجّنن بالحب خلانه

حبك صار ألكل حب معبد تركع لك بيه إنسه او جانه

ولو ما نملك صحوة حبك ما نسوى أنعيش أبدنيانه

ما أعذب ترتيل أحروفك يا سر الباري أوقرآنه

اسمك طير الحب غناه ومن يونس نعرف معناه

كرار وأسمك شفناه ليك أمقدر