[ترانيم]

تعبت أسقي ورود الغير ووردي ماعرفت اسقيه

هالجملة تتردد في بالي كثير

وخصوصاً لما يبتعد عني
ما اعرف شو سر هالجملة بس أحسها صارت متعلقه فيه
ما أعرف هل كثرة غيابه انشغال أوبرود بس اللي أعرفه إن رغم كل شي حبيته
أحيان أحسه مو بس بارد إلا ثلج بس لما يتكلم أعيش إحساس ثاني
عمري ما آمنت بشي اسمه حب ولا فكرت أحطم غروري عشان أي شي
بس شعوري تجاهه يقتلني ما أعرف شو اللي يشدني له
رغم إني ما أحب جنس آدم بس هو غير نظرتي لهم
مدري كيف ولا متى ولا ادري ليش دوم أحاتيه
أحيان أقول ما أحبه .. أصلاً يعني شوالحب
بس لما ألقى نفسي وتصرفاتي تجاهه الكل يقول إن هذا يسمونه حب
بس أني وين والحب وين
أني ما تعودت ع الحب ولا تعودت أكون لشخص ثاني
تعودت أكون لنفسي وبس محد يشاركني قلبي
قولواأنانية قولوا اللي تقولوه بس ما ظنيت إن فيه حدا بيحتل جزء كبيرمن حياتي وغصب عني