....
تابع\بو فاضل.. ذهب لو قمر؟ - خليل عبدالحميد
مسائل نوايل
قصر للخير يحوي
لبابه الناس تـثوي
شمايل فضايل
لها المبروك تضوي
كرم وافضال تشفي
ايزورونه خلق واشعوب تلفي
واقف بو الفضل والفكر منّه محتار
في راسه البطل للحرب دارت افكار
يـترجّى السبط سيده والقلب نار
مرخيّ الجفن والدمع ينهمل صار
مابين السبط والقمر دارت أفكار
اطلب سيدي بالإذن مالي اعذار
لوأصبر يخويه ... تاخذني الملامه
واكسر خاطر الزهرا على اسكينه الصغيره
أنظر للخيم والصدر يـلهب احزان
سكنه امن العطش تنتفض وانته حنّان
تدخرني المتى ؟ سيدي او مالك اعوان
أرجوك .. الصبر ماخلد والوقت حان
ها يابو علي ..؟ شي الأمر ؟ ها يمنّان
جاوب سيدي والدمع منه مرجان
وافق عل قضيه ... متحبّس كلامه
ما يقدر ايصرّح له اودي الساعه الأخيره
عطوه الإذن والليث غيـران
كأنه البطل مسرور فرحان
يموت الحمر والسيف عطشان
تصدى ابـعزم ذبـّاح دفّان
موكنّه امجابل حديد
متوجّه الصوب العبيد
بـو النـزله المهوله ... اسم الله اعلى طوله
ركب واعتدل من فوق لحصان
كـفو ياسبعتنعام وامنـان
شدايد حريـبه اليوم تـنهان
رماها او شزر بعيون غضبان
واتبهدلت ذيك العديد
من شافت الموت الأكيد
نظراته المريـبه ... وابـسيفه المصيبه
نزل بوالفضل بركان بركان
حلف مهجة الكرار زعلان :
لغطّي الأرض بلحوم فرسان
وغطّي السما بطيور عقبان
ياحي هلقبال الشديد
يتقطّر ابوجهه الوعيد
مفلوله العمامه ... ها أخطر علامه
سطع نوره .. واتـغبّت الشمس المضيّه
خطت رجله .. للمعركه اوحلّت قضيّه
ترك بـيده يتحشّى بـتّاره
هجم هجمه واستعرت الغاره
هدم صفها او نسّفها
او جرّفها وهو دوله
صرخ صرخه .. وانسمعت اجبال اتـتهدّم
خسف بيها .. طير السما اتشم ريحة الدم
ألف لعنه وصلت من اخباره
نـثر باسه خـلاّها محتاره
او عفّسها اورفّـسها
او دوّسها جثث حوله
ظلام او كسوف ..
فيها ايـتجنّح
او زاح الألوف ..
بس ما تزحزح
عجب هالصفوف..
كيف اتـتسدّح
او كلما يدوس ..
كبّر او سبّح
ايشوف السيوف ..
كلما تصلصل
كأنها العروس ..
بالـدم تكحّل
ايشوف الرماح ..
ريـشه اتهلهل
كأنه العجاج ..
غيم ايـتسدّل
ابن سعد ايشوف ..
روس اتـقصّص
أيادي التـطير ..
خيل اتـتندس
او خلاّ النهار ..
ليل ايـتعسعس
يلعنة ثـمود ..
يالعنـة الرّس
بساله .. مثاله
- عن العبّاس تدري -
أسد فتّاك يجري
او زلزلها نزل زلزال يفري
محامل .. جحافل
نسف واعمار تطوي
عجايب روس تهوي
او قلّبها بعد واصياح يدوي .